കുമരകം: കോട്ടയം -കുമരകം റോഡിലെ കോണത്താറ്റ് പാലത്തില് ഗതാഗതക്കുരുക്കഴിഞ്ഞ് നേരമില്ല. വീതി കുറഞ്ഞ പാലത്തിലേക്കു കിഴക്കു നിന്നും പടിഞ്ഞാറു നിന്നും വാഹനങ്ങള് കയറിയാല് ഗതാഗതക്കുരുക്കായി. പാലത്തില് കയറിയ വാഹനങ്ങള്ക്കു പിന്നാലെ മറ്റു വാഹനങ്ങളും നിരക്കുന്നതോടെ കാല്നടക്കാര്ക്കു പോലും സഞ്ചരിക്കാന് കഴിയില്ല. പാലത്തില് കയറി വാഹനം എങ്ങനെയെങ്കിലും മുന്നോട്ട് എടുത്തുപോകാനാകും ശ്രമം.
ഈ ശ്രമം വിജയിച്ചാല് കുരുക്ക് ഏതാനും മിനിറ്റുകള്ക്കൊണ്ടു തീരും. എന്നാല് വാഹനത്തിനു മുന്നോട്ട് പോകാന് കഴിയാതെ പാലത്തില് കുരുങ്ങിയാല് കുരുക്കു പത്തും പതിനഞ്ചും മിനിറ്റുവരെ തുടരും. ഇതോടെ വാഹനങ്ങളുടെ നിര കുമരകം ജങ്ഷനും കഴിഞ്ഞു പഞ്ചായത്തു ബസ് സ്റ്റോപ്പ് വരെ നീളും. കിഴക്കുവശത്തും വാഹനങ്ങളുടെ നിര നീണ്ടുകിടക്കും. ബസുകള് ഉള്പ്പെടെ ദിവസവും നൂറുക്കണക്കിനു വാഹനങ്ങളാണു പാലത്തിലൂടെ കടന്ന് പോകുന്നത്. രാവിലെയും വൈകിട്ടുമാണു ഗതാഗതക്കുരുക്കു തുടര്ച്ചയായി ഉണ്ടാകുന്നത്. പാലം വീതികൂട്ടി പണിയാതെ ഇവിടത്തെ ഗതാഗതക്കുരുക്കിനു പരിഹാരമാകില്ലെന്ന് നാട്ടുകാര് പറയുന്നു.
പ്രതികരിക്കാൻ ഇവിടെ എഴുതുക: