ചണ്ഡീഗഡ്: തിളക്കമാര്ന്ന ഇന്നിങ്ങ്സിലൂടെ ഇന്ത്യയെ വനിതാ ലോകകപ്പ് ക്രിക്കറ്റ് ഫൈനലിലെത്തിച്ച ഹര്മന്പ്രീത് കൗറിന് പഞ്ചാബ് മുഖ്യമന്ത്രി അമരീന്ദര് സിങ്ങ് അഞ്ചു ലക്ഷം ക്യാഷ് അവാര്ഡ് പ്രഖ്യാപിച്ചു.ഹര്മന്പ്രീത് കൗറിന്റെ പിതാവ് ഹര്മന്ദര് സിങ്ങിനെ സന്ദര്ശിച്ച് അഭിനന്ദനം അറിയിച്ചശേഷമാണ് മുഖ്യമന്ത്രി ക്യാഷ് അവാര്ഡ് പ്രഖ്യാപിച്ചതെന്ന് സര്ക്കാരിന്റെ ഔദ്യോഗിക വക്താവ് അറിയിച്ചു.
ഓസ്ട്രേലിയക്കെതിരായ സെമിഫൈനലില് 115 പന്തില് 171 റണ്സ് നേടി പുറത്താകാതെ നിന്ന ഹര്മന്പ്രീതിന്റെ പ്രകടനത്തെ അമരീന്ദര് വാഴ്ത്തി.മികച്ച പ്രകടനത്തിലൂടെ ഹര്മന്പ്രീത് ഇനിയും രാജ്യത്തിന്റെ യശസ് ഉയര്ത്തുമെന്ന് മുഖ്യമന്ത്രി പ്രത്യാശിച്ചു.
ജോലിക്കയറ്റം നല്കും:റെയില്വേ
മുംബൈ: വനിതാ ലേകകപ്പ് ക്രിക്കറ്റില് വീരോചിത ഇന്നിങ്ങ്സില് ഇന്ത്യയെ ഫൈനലിലെത്തിച്ച ഹര്മന്പ്രീത് കൗറിന് റെയില്വേ ജോലിക്കയറ്റം നല്കും.
പശ്ചിമ റെയില്വേയുടെ മുംബൈ ഡിവിഷണില് ചീഫ് ഓഫീസ് സൂപ്രണ്ടായ കൗറിന് ജോലിക്കയറ്റം നല്കാന് റെയില്വേ ബോര്ഡിന് ശിപാര്ശ നല്കുമെന്ന് പശ്ചിമ റെയില്വേയുടെ പിആര്ഒ രവീന്ദര് ഭാസ്ക്കര് പറഞ്ഞു.
ലോകകപ്പിനുശേഷം നാട്ടില് തിരച്ചെത്തുന്ന കൗറിന് ഗംഭീര സ്വീകരണവും നല്കും.ഓസ്ട്രേലിയക്കെതിരായ സെമിയില് 115 പന്തില് കൗര് അടിച്ചെടുത്ത 171 റണ്സാണ് ഇന്ത്യയെ ഫൈനലിലേയ്ക്ക് കടത്തിവിട്ടത്.
പ്രതികരിക്കാൻ ഇവിടെ എഴുതുക: