പാട്ന: കള്ളപ്പണം വെളുപ്പിച്ചതുമായി ബന്ധപ്പെട്ട് ആര്ജെഡി നേതാവ് ലാലുപ്രസാദ് യാദവിനും കുടുംബത്തിനുമെതിരെ എന്ഫോഴ്സ്മെന്റ് ഡയറക്ടറേറ്റ്(ഇഡി) കേസെടുത്തു.
ലാലു കേന്ദ്ര റയില്വേ മന്ത്രിയായിരിക്കെ ഐആര്സിടിസിയുടെ ഹോട്ടല് നിര്മാണവുമായി ബന്ധപ്പെട്ട് അഴിമതി നടത്തിയെന്ന ആരോപണത്തില് നടക്കുന്ന സിബിഐ അന്വേഷണത്തിന്റെ ഭാഗമായാണ് ഇഡി കേസെടുത്തിരിക്കുന്നത്.
നേരത്തെ ലാലു, മകന് തേജസ്വി, മകളും രാജ്യസഭാ എംപിയുമായ മിസ ഭാരതി, ഭാര്യയും ബിഹാര് മുന് മുഖ്യമന്ത്രിയുമായ റാബ്റി ദേവി എന്നിവരുടെ വസതികളില് സിബിഐ റെയ്ഡ് നടത്തിയിരുന്നു. ഇതിന് ശേഷമാണ് സിബിഐ കേസ് രജിസ്റ്റര് ചെയ്തത്.
2004-09 കാലഘട്ടത്തില് കേന്ദ്ര റയില്വേ മന്ത്രിയായിരിക്കെ ഐആര്സിടിസിയുടെ ഹോട്ടല് നിര്മാണവുമായി ബന്ധപ്പെട്ട് അഴിമതി നടത്തിയെന്നാണ് ആരോപണം. ഐആര്സിടിസി ഏറ്റെടുത്ത റാഞ്ചി, പുരി എന്നിവിടങ്ങളിലെ ഹോട്ടലുകളുടെ വികസനത്തിനും നടത്തിപ്പിനുമായി ലേലത്തിലൂടെ കമ്പനികളെ ക്ഷണിച്ചിരുന്നു.
സുജാത ഹോട്ടല് പ്രൈവറ്റ് ലിമിറ്റഡ് എന്ന കമ്പനിക്ക് കരാര് നല്കിയതിന് പാരിതോഷികമായി, ലാലുവിന്റെ സഹായി പ്രേംചന്ദ് ഗുപ്ത രണ്ട് ഏക്കര് ഭൂമി കൈപ്പറ്റിയെന്നാണ് ആരോപണം.
പ്രതികരിക്കാൻ ഇവിടെ എഴുതുക: