കോഴഞ്ചേരി: ആറന്മുള പാര്ത്ഥസാരഥി ക്ഷേത്രത്തിലെ അഷ്ടമി രോഹിണി വള്ളസദ്യക്കും സമൂഹസദ്യക്കമുള്ള ഒരുക്കങ്ങള് തുടങ്ങി. സെപ്റ്റംബര് 12 നാണ് അഷ്ടമിരോഹിണി വള്ളസദ്യ നടക്കുന്നത്.
വള്ളസദ്യയുടെ കൂപ്പണുകളുടെ വിതരണോദ്ഘാടനം നാളെ രാവിലെ 10ന് പാര്ത്ഥസാരഥി ക്ഷേത്ര സന്നിധിയില് നടക്കും. പള്ളിയോടസേവാസംഘം പ്രസിഡന്റ് ഡോ കെ ജി ശശിധരന് പിള്ള ഉദ്ഘാടനം ചെയ്യും.
ഒരു വള്ളസദ്യക്ക് 15000 രൂപ 5000 , 2000, 1000 രൂപ എന്നിങ്ങനെയുള്ള വഴിപാട് കുപ്പണുകള് അഷ്ടമിരോഹിണി വള്ളസദ്യക്കായി ഏര്പ്പെടുത്തിയിട്ടുണ്ട്. ആയിരം രൂപക്ക് വഴിപാട് നല്കുന്നവര്ക്ക് ഒരു അഷ്ടമി രോഹിണി വള്ളസദ്യയുടെ ഒരു സ്പെഷ്യല് കൂപ്പണ് എന്ന ക്രമത്തില് ലഭിക്കും.
പാചക വിദഗ്ദ്ധന് പഴയിടം മോഹന് നമ്പൂതിരിയുടെ നേതൃത്വത്തില് 300 ഓളം പാചക തൊഴിലാളികളുടെ നേതൃത്വത്തില് 350 പറ അരിയുടെ ചോറും വിഭവങ്ങളുമാണ് അഷ്ടമിരോഹിണി വള്ളസദ്യക്ക് തയ്യാറാക്കുന്നത്.
ഇതിനായി 52 പള്ളിയോട കരകളിലും വിഭവ സമാഹരണവും നടക്കും. തിരുവിതാംകൂര് ദേവസ്വം ബോര്ഡ് , പളളിയോട സേവാസംഘം, ഭക്തജന പ്രതിനിധികള് എന്നിവര് ഉള്പ്പെട്ട വള്ളസദ്യ നിര്വ്വഹണ സമിതിയുടെ നേതൃത്വത്തിലാണ് അഷ്ടമിരോഹിണി വള്ളസദ്യ നടത്തുന്നത്.
വള്ളസദ്യ പരിചയപ്പെടുന്നതിന് എല്ലാവര്ക്കും അവസരമൊരുക്കി പള്ളിയോടസേവാസംഘം പ്രത്യേക വള്ളസദ്യ നടത്തുന്നു. സാധാരണയായി വഴിപാട് നടത്തുന്നവര് ക്ഷണിക്കുന്നവര്ക്കാണ് വള്ളസദ്യയില് പങ്കെടുക്കാന് അവസരം. പ്രത്യേകവള്ളസദ്യ ഓഗസ്റ്റ് 12 മുതല് ശനി, ഞായര് ദിവസങ്ങളിലും പൊതു അവധി ദിവസങ്ങളിലുമാണ് നടക്കുന്നത്. പ്രത്യേക വള്ളസദ്യ ആവശ്യമുള്ളവര് 150 രൂപ നല്കി മൂന്ന് ദിവസം മുന്പ് ബു.ക്ക് ചെയ്യണം. വിവരങ്ങള്ക്ക് 0468 2313010, 8281113010
പ്രതികരിക്കാൻ ഇവിടെ എഴുതുക: