ഒല്ലൂര്: കാലിക്കറ്റ് യൂണിവേഴ്സിറ്റി കോളേജ് യൂണിയന് തെരഞ്ഞെടുപ്പില് സീറ്റുകള് കരസ്ഥമാക്കിയ കോളേജുകളില് എബിവിപി വിജയം ആഘോഷിച്ചു. ഒല്ലൂര് ഗവ. കോളേജില് നടന്ന വിജയാഘോഷത്തില് നൂറുകണക്കിന് പ്രവര്ത്തകര് പങ്കെടുത്തു. ഒല്ലൂര് കമ്പനിപടിയിലെ കോളേജില് നിന്നാരംഭിച്ച് ഒല്ലൂര് സെന്ററില് സമാപിച്ചു.
വിജയിച്ച എബിവിപി പ്രവര്ത്തകരായ അഞ്ജലി (ജോ.സെക്രട്ടറി), രോഹിത്ത് (മാഗസിന് എഡിറ്റര്), കലേഷ് (കൊമേഴ്സ് അസോസിയേഷന്), സുജിത്ത് (ഇംഗ്ലീഷ് അസോസിയേഷന്), ഐശ്വര്യ (രണ്ടാംവര്ഷ ഡിസി) എന്നിവരെ അനുമോദിച്ചു. ബിജെപി ജില്ലാപ്രസിഡണ്ട് എ.നാഗേഷ്, എബിവിപി സംസ്ഥാനസമിതിയംഗം വി.ആര്.അജിത്ത്, യൂണിറ്റ് പ്രസിഡണ്ട് അനന്തു സി.ദാസ്, യൂണിറ്റ് സെക്രട്ടറി മിഥുന് ഗോപി എന്നിവര് സംസാരിച്ചു.
വടക്കാഞ്ചേരി ചേലക്കര ഗവ. ആര്ട്സ് ആന്റ് സയന്സ് കോളേജില് നടന്ന വിജയാഘോഷ പരിപാടിയില് ജനറല് സെക്രട്ടറിയായി തെരഞ്ഞെടുക്കപ്പെട്ട രോഹിത്തിനെ അനുമോദിച്ചു. വിഷ്ണു, ശ്രീകേഷ് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: