കണ്ണൂര്: ഗ്രാമസഭകള് സജീവമാക്കുന്നതിനായി തദ്ദേശമിത്രത്തിന് വേണ്ടി ജനമൈത്രി പൊലീസ് ഒരുക്കിയ ഒരു ഗ്രാമം പറഞ്ഞ കഥ-നാടക പര്യടനം ഇന്ന് മുതല് മൂന്നു ദിവസം ജില്ലയില് പരിപാടി അവതരിപ്പിക്കും. ജില്ലാതല ഉദ്ഘാടനം രാവിലെ 9.30 ന് ചിറ്റാരിപ്പറമ്പ് ഗ്രാമ പഞ്ചായത്തില് നടക്കുന്ന ചടങ്ങില് ജില്ലാ പൊലീസ് മേധാവി ജി.ശിവവിക്രം നിര്വഹിക്കും. പ്രസിഡണ്ട് യു പി ശോഭ അധ്യക്ഷത വഹിക്കും. തുടര്ന്ന് രണ്ട് മണിക്ക് പിണറായി, വൈകിട്ട് അഞ്ച് മണിക്ക് തലശ്ശേരി എന്നിവിടങ്ങളിലും നാടകം അവതരിപ്പിക്കും.
തദ്ദേശസ്ഥാപനങ്ങളുടെ വികസനപ്രക്രിയയില് ഗ്രമസഭകള്ക്കുള്ള അധികാരവും പ്രാധാന്യവും ജനങ്ങളില് എത്തിക്കുകയെന്ന ലക്ഷ്യത്തോടെയാണ് നാടകപര്യടനം ഒരുക്കിയിട്ടുള്ളത്. വികസന ക്ഷേമപദ്ധതികളെക്കുറിച്ചും ജലസംരക്ഷണ-മാലിന്യ നിര്മാര്ജന ്രപവര്ത്തനങ്ങളെക്കുറിച്ചും ജനങ്ങളെ ബോധവല്ക്കരിക്കുകയും പരിപാടിയുടെ ലക്ഷ്യമാണ്.
കേരള ജനമൈത്രി പൊലീസാണ് നാടകം ജനങ്ങളിലെത്തിക്കുന്നത്. അനില് കരേട്ടെയാണ് രചനയും സംവിധാനവും നിര്വഹിച്ചത്. കേരള പൊലീസ് ഉദ്യോഗസ്ഥരായ നുജുമുദ്ദീന്, ഷറഫ്, ബാബു, അജികുമാര്, ചന്ദ്രകുമാര്, ജയന്, ഷൈജു, സുനില്കുമാര്, ഷംനാദ് എന്നിവരാണ് വേഷമിടുന്നത്.
പ്രതികരിക്കാൻ ഇവിടെ എഴുതുക: