പാലക്കാട്: കോണ്ഗ്രസിന്റെ അധ്യക്ഷ പദവി വഹിച്ച ഏക മലയാളിയായ ചേറ്റൂര് ശങ്കരന് നായരെ കോണ്ഗ്രസ് അവഗണിക്കുകയാണെന്ന് ബിജെപി നേതാവ് ഒ.രാജഗോപാല് എംഎല്എ പറഞ്ഞു. അദ്ദേഹത്തിന് ഒരു സ്മാരകം നിര്മ്മിക്കാനോ സമാധി സ്ഥലം സംരക്ഷിക്കാനോ കഴിയാത്തത് ദയനീയമാണ്. ജന്മഭൂമിയുടെ പാലക്കാടന് പെരുമ പുസ്തകം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
സാമൂഹ്യ രംഗത്തെ പരിഷ്ക്കരണത്തിനായി വലിയ പങ്ക് വഹിച്ച നിരവധി മഹാന്മാരെ സംഭാവന ചെയ്ത ജില്ലയാണ് പാലക്കാട്. അതില് പ്രമുഖനാണ് ടി.ആര്.കൃഷ്ണ സ്വാമി അയ്യര്. ഇതിന്റെ പേരില് സമുദായ ഭ്രഷ്ട് വരെ അനുഭവിക്കേണ്ടി വന്നു അദ്ദേഹത്തിന്. തുടര്ന്ന് അകത്തേത്തറയില് സ്ഥാപിച്ച ശബരി ആശ്രമം പ്രവര്ത്തന കേന്ദ്രമാക്കുകയായിരുന്നു. വിവിധ നാട്ടുരാജ്യങ്ങളെ സംയോജിപ്പിക്കുന്നതില് മുഖ്യപങ്ക് വഹിച്ച വി.പി. മേനോന്, മുന് മുഖ്യ തെരഞ്ഞെടുപ്പ് കമ്മീഷണര് ടി.എന്.ശേഷന്, ഒ.വി.വിജയന്, ഇ.ശ്രീധരന് ഇവരെല്ലാം പാലക്കാടിന്റെ സംഭാവനയാണ്. തിരുവനന്തപുരത്ത് നിന്നാണ് നിയമസഭയിലേക്ക് ജയിച്ചതെങ്കിലും പാലക്കാട് ജില്ലക്കാരനായതില് താന് അഭിമാനിക്കുന്നുവെന്നും രാജഗോപാല് പറഞ്ഞു.
കേരളത്തിന്റെ വികസനത്തിന് അമേരിക്കയുടേയോ റഷ്യയുടേയോ മാതൃകയല്ല സ്വീകരിക്കേണ്ടത്. വേണ്ടത്ര ജലം ലഭിച്ചിട്ടും അത് സംഭരിക്കുവാനുള്ള സംവിധാനം ഇവിടെയില്ല. കുടിവെള്ളത്തിന് വേണ്ടി കേഴുന്ന സ്ഥിതിയാണ് ഇന്നുള്ളത്. ഇതിനാലാണ് കര്ഷകരുടെ മക്കള് ശിപായി ജോലിക്കായി പരക്കം പായുന്നത്. ഇതിന് പരിഹാരം കണ്ടെത്താന് ഭരണാധികാരികള്ക്ക് കഴിയണം. ജില്ലയുടെ വികസനത്തിനായി ജന്മഭൂമി സംഘടിപ്പിച്ച സെമിനാര് ശുഭോദര്ക്കമാണെന്നും അദ്ദേഹം പറഞ്ഞു. ജനങ്ങളുടെ പ്രശ്നങ്ങള് കണ്ടറിഞ്ഞ് അവയ്ക്ക് ഒരു പരിധിവരെ പരിഹാരം കണ്ടെത്തുവാനുള്ള സിദ്ദിഖ് അഹമ്മദിന്റെ ശ്രമങ്ങളെ അദ്ദേഹം അഭിനന്ദിച്ചു.
ജൈനിമേട് എന്എന്എസ് കണ്വന്ഷന് സെന്ററില് നടന്ന ചടങ്ങില് ജന്മഭൂമി മാനേജിംഗ് ഡയറക്ടര് എം.രാധാകൃഷ്ണന് അദ്ധ്യക്ഷത വഹിച്ചു. ഇറാം ഗ്രൂപ്പ് മാനേജിംഗ് ഡയറക്ടര് ഡോ.സിദ്ദിഖ് അഹമ്മദിന് ജന്മഭൂമി പ്രവാസിമിത്ര, മണ്ണാര്ക്കാട് ന്യൂഅല്മ എംഡി ഡോ.കെ.എ.കമ്മാപ്പയ്ക്ക് ആരോഗ്യമിത്ര, മനോമിത്ര എംഡി ഡോ.സി.ഡി. പ്രേമദാസന് സേവാമിത്ര, പി.യു.ചിത്രയ്ക്ക് പ്രതിഭാമിത്ര, ലാന്റ് ലിങ്ക്സ് എംഡി ഡോ.കെ.എസ്.സേതുമാധവന് സ്നേഹമിത്ര പുരസ്കാരങ്ങള് നല്കി ആദരിച്ചു.
തുടര്ന്ന് നടന്ന വികസന സെമിനാറില് നഗരസഭാ ചെയര്പേഴ്സണ് പ്രമീളാ ശശിധരന്, വൈസ് ചെയര്മാന് സി.കൃഷ്ണകുമാര് എന്നിവര് പ്രബന്ധം അവതരിപ്പിച്ചു. ജന്മഭൂമി യൂണിറ്റ് മനേജര് ആമുഖ പ്രസംഗം നടത്തി. ആര്എസ്എസ് വിഭാഗ് സംഘചാലക് വി.കെ.സോമസുന്ദരന്, ബിജെപി സംസ്ഥാന വൈസ് പ്രസിഡന്റ് എന്.ശിവരാജന്, ജില്ലാ പ്രസിഡന്റ് അഡ്വ.ഇ.കൃഷ്ണദാസ്, വാര്ഡ് കൗണ്സിലര് വി.നടേശന്, പ്രോഗ്രാം കോര്ഡിനേറ്റര് രമേഷ് ടി.ആര്, മാഗസിന് എഡിറ്റര് കെ.കെ.പത്മഗിരീഷ്, മാഗസിന് കോഡിനേറ്റര് പി.വി.ചന്ദ്രഹാസന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: