കോഴിക്കോട്: ബ്ലൂ വെയിലിനെ ചെറുക്കാന് ഒരുകൂട്ടം വിദ്യാര്ത്ഥികളുടെ സംരംഭം. ഇന്റര്നെറ്റിനെ തന്നെ അടിസ്ഥാനമാക്കി ദേവഗിരി കോളജിലെ ബിസിനസ് മാനേജ്മെന്റ് വിദ്യാര്ത്ഥികള് അവതരിപ്പിക്കുന്ന പദ്ധതിക്ക് കില് ദി വെയില് ചാലഞ്ച് എന്നാണ് പേര് നല്കിയിരിക്കുന്നത്.
ബ്ലൂ വെയില് ചാലഞ്ചിന്റെ നേരെ എതിര്ദിശയിലാണ് കില് ദി വെയില് ചാലഞ്ചിന്റെ ഘടന. 30 ദിവസം കൊണ്ട് ക്രിയാത്മക ചിന്ത പകര്ന്ന് ആത്മധൈര്യം വളര്ത്തി ജീവിതത്തിലെ വെല്ലുവിളികളെ ഏറ്റെടുക്കാന് പ്രാപ്തരാക്കുകയാണ് ലക്ഷ്യം. ഇതിന് പറ്റുന്ന രീതിയില് പ്രഗത്ഭരായ മനഃശാസ്ത്രജ്ഞരുടെ സഹകരണത്തോടെ തയ്യാറാക്കിയ കൊച്ചുകൊച്ചു ഉദ്യമങ്ങളാണ് ദിവസം ഒന്നെന്ന ക്രമത്തില് കില് ദി വെയില് ചാലഞ്ച് ഏറ്റെടുക്കുന്നവര്ക്ക് ചെയ്യാനാവുക. ഒപ്പം ക്രിയാത്മക ഊര്ജ്ജം പകരുന്ന നിര്ദ്ദേശങ്ങളും ലഭിക്കും.
30 ദിവസം പൂര്ത്തിയാക്കുന്നതോടെ ബ്ലൂവെയിലിന്റേതുപോലുള്ള ചതിക്കുഴികളില് വീഴാതിരിക്കാനുള്ള തന്റേടം അവര്ക്ക് ലഭിക്കും.
ദേവഗിരി സെന്റ് ജോസഫ് കോളജിലെ ബിസിനസ് മാനേജ്മെന്റ് വിദ്യാര്ത്ഥികളാണ് പദ്ധതിക്ക് പിന്നില്. വര്ഷം തോറും നടത്തുന്ന നിര്വാണ മാനേജ്മെന്റ് ഫെസ്റ്റിന്റെ മുന്നോടിയായിട്ടാണ് കില് ദി വെയില് ചാലഞ്ച് അവതരിപ്പിക്കുന്നത്. ഇന്ന് മുതല് നിര്വാണ നടക്കുന്ന സപ്തംബര് 23 ന് അവസാനിക്കുന്ന രീതിയിലാണ് കില് ദി വെയില് ചാലഞ്ച് ക്രമീകരിച്ചിട്ടുള്ളത്.
ചഞ്ചില് പങ്കെടുക്കാനായി നിര്വാണയുടെ വെബ്സൈറ്റായ ംംം.ിശൃ്മി മ.ല്ലിെേല് രജിസ്റ്റര് ചെയ്യാം.
പ്രതികരിക്കാൻ ഇവിടെ എഴുതുക: