വാഷിംഗ്ടണ്: അമേരിക്കയിലെ മികച്ച ടെലിവിഷന് പരിപാടികള്ക്ക് ടെലിവിഷന് ആര്ട്സ് ആന്ഡ് സയന്സസ് അക്കാദമി നല്കുന്ന 69-ാമത് എമ്മി അവാര്ഡിനുള്ള ജേതാക്കളെ പ്രഖ്യാപിച്ചു. ഹുലു നെറ്റ്വര്ക്കിലെ ദി ഹാന്ഡ്മെയ്ഡ്സ് ടെയ്ല് മൂന്നു വിഭാഗങ്ങളില് പുരസ്കാരങ്ങള് നേടി. വീപ്പിന് കോമഡി വിഭാഗത്തില് എമ്മി ലഭിച്ചു. ‘ക്വാന്റിക്കോ’ പരമ്പരയിലെ താരം പ്രിയങ്ക ചോപ്രയും പുരസ്കാരം പ്രഖ്യാപിക്കാന് എത്തിയിരുന്നു.
മികച്ച നടനായി സ്റ്റെര്ലിംഗ് കെ. ബ്രൗണ് (ദിസ് ഈസ് അസ്), മികച്ച നടിയായി എലിസബേത്ത് മോസ്(ദി ഹാന്ഡ്മെയ്ഡ്സ് ടെയ്ല്) എന്നിവര് തെരഞ്ഞെടുക്കപ്പെട്ടു. കോമഡി വിഭാഗത്തില് ഡോണള്ഡ് ഗ്ലോവര് (അറ്റ്ലാന്റ) മികച്ച നടനായും ജൂലിയാ ലൂയി ഡ്രെയിഫുസ് (വീപ്പ്) നടിയായും പുരസ്കാരത്തിന് അര്ഹരായി. ലിമിറ്റഡ് സീരിസ് / ടിവി മൂവി വിഭാഗത്തില് മികച്ച നടനുള്ള പുരസ്കാരം റിസ് അഹമ്മദ് (ദി നൈറ്റ് ഓഫ്), നടിക്കുള്ള അവാര്ഡ് നിക്കോള് കിഡ്മാന് (ബിഗ് ലിറ്റില് ലൈസ്) എന്നിവര് നേടി.
മറ്റു പുരസ്കാരങ്ങള്: ടെലിവിഷന് മൂവി ബ്ലാക്ക് മിറര്: സാന് ജൂണിപെറോ, മികച്ച കോമഡി പരമ്പര സംവിധാനം ഡൊണാള്ഡ് ഗ്ലാവര് (അറ്റ്ലാന്റ), ലിമിറ്റഡ് സീരിസിലെ സഹനടി ലോറ ഡേണ് (ബിഗ് ലിറ്റില് ലൈസ്), കോമഡി പരമ്പരയിലെ സഹനടി കേറ്റ് മക് കിന്നോണ് (സാറ്റര്ഡേ നൈറ്റ് ലൈവ്), ഡ്രാമാ പരമ്പരയിലെ സഹനടന് ജോണ് ലിത്ഗോ (ദി ക്രൗണ്), സഹനടി (ഡ്രാമ) ആന് ഡൗഡ് (ദി ഹാന്ജ്മെയ്ഡ്സ് ടെയ്ല്), കോമഡി വിഭാഗത്തിലെ സഹനടന് അലെക് ബാള്ഡ്വിന് (സാറ്റര്ഡെ നൈറ്റ് ലൈവ്), ഡ്രാമ പരമ്പരയിലെ ഗസ്റ്റ് ആക്ടര് – ഗെറാള്ഡ് മക്റാണെ (ദിസ് ഈസ് അസ്), ഗസ്റ്റ് ആക്ട്രസ് – അലെക്സിസ് ബ്ലെഡെല് (ദി ഹാന്ഡ്മെയ്ഡ്സ് ടേല്), കോമഡി വിഭാഗത്തിലെ ഗസ്റ്റ് ആക്ടര് ഡേവ് ചാപ്പെല് (സാറ്റര്ഡേ നൈറ്റ് ലൈവ്), ഗസ്റ്റ് ആക്ട്രസ്- മെലിസ്സ മക് കാര്ത്തി (സാറ്റര്ഡേ നൈറ്റ് ലൈവ്), അനിമേറ്റഡ് പ്രോഗ്രാം – ബോബ്സ് ബഗ്ര്, റിയാലിറ്റി ഹോസ്റ്റ് – റൂപോള് ചാള്സ് (റൂപോള്സ് ഡ്രാഗ് റേസ്), വെറൈറ്റി സ്കെച്ച് സീരിസ് സാറ്റര്ഡെ നൈറ്റ് ലൈവ്, തിരക്കഥ (ഡ്രാമ) ബ്രൂസ് മില്ലര് (ദി ഹാന്ഡ്മെയ്ഡ്സ് ടെയ്ല്), സംവിധാനം (ലിമിറ്റഡ് സീരിസ്) ഴാന് മാര്ക് വാലെ (ബിഗ് ലിറ്റില് ലൈസ്), സ്ട്രക്ച്ചേര്ഡ് റിയാലിറ്റി പ്രോഗ്രാം ഷാര്ക്ക് ടാങ്ക്, അണ്സ്ട്രക്ചേര്ഡ് റിയാലിറ്റി പ്രോഗ്രാം യുണൈറ്റഡ് ഷേഡ്സ് ഓഫ് അമേരിക്ക വിത് ഡബ്ല്യു. കാമൗ ബെല്.
പ്രതികരിക്കാൻ ഇവിടെ എഴുതുക: