ആലപ്പുഴ: ബാലന്സ് ചോദിച്ച മാദ്ധ്യമ പ്രവര്ത്തകന് കെഎസ്ആര്ടിസി കണ്ടക്ടറുടെ ശകാരവര്ഷം. ജനയുഗം ആലപ്പുഴ ലേഖകന് പി.എസ്. സുജിത്തിനോടാണ് ടിക്കറ്റിന്റെ ബാക്കി ചോദിച്ചതിന് കണ്ടക്ടര് അപമര്യാദയായി പെരുമാറിയത്. ഇന്നലെ രാത്രി 7നാണ് ചേര്ത്തല ഡിപ്പോയിലെ നെടുമ്പാശ്ശേരി ടൗണ് ടു ടൗണ് ആര്എഇ491 ബസില് സുജിത്ത് ആലപ്പുഴ കെ എസ്ആര്ടിസി സ്റ്റാന്റില് നിന്ന് കയറുന്നത്. ടിക്കറ്റിനുള്ള പണം കൊടുത്തശേഷം ഇറങ്ങാന് നേരത്ത് ബാക്കി ചോദിച്ചപ്പോള് കണ്ടക്ടര് അപമാനിക്കുകയായിരുന്നു. ടിക്കറ്റിന്റെ ബാലന്സ് ചോദിച്ച സ്ത്രീകള് ഉള്പ്പെടെയുള്ള മറ്റ് പല യാത്രക്കാരേയും കണ്ടക്ടര് അപമാനിച്ചു. ഇതിന് മുമ്പും ഈ കണ്ടക്ടറില് നിന്നും ഇതേ അനുഭവം ഉണ്ടായിട്ടുണ്ടെന്ന് സുജിത്ത് പറഞ്ഞു. ഇതുസംബന്ധിച്ച് കെഎസ്ആര്ടിസി എംഡിക്ക് പരാതി നല്കുമെന്ന് സുജിത്ത് അറിയിച്ചു.
പ്രതികരിക്കാൻ ഇവിടെ എഴുതുക: