ആലപ്പുഴ: ജില്ലയില് ഒരു ശൈശവവിവാഹം റിപ്പോര്ട്ട് ചെയ്തതായി ചൈല്ഡ്ലൈന് അധികൃതര് ജില്ലാ ശിശുസംരക്ഷണ സമിതി യോഗത്തെ അറിയിച്ചു. ചെങ്ങന്നൂരിരിലാണ് റിപ്പോര്ട്ട് ചെയ്തത്. ചൈല്ഡ് ലൈനിലെ 1098 ഹെല്പ് നമ്പരിലൂടെ 688 പരാതികള് ലഭിച്ചു. 23 കേസുകള് ശാരീരികചൂഷണവുമായും 14 എണ്ണം ലൈംഗികചൂഷണവുമായി ബന്ധപ്പെട്ടതാണ്. പ്രാദേശിക തലത്തില് കുട്ടികളുടെ സംരക്ഷണത്തിനായി പ്രവര്ത്തിക്കുന്ന ബ്ലോക്ക് പഞ്ചായത്തുതല ശിശു സംരക്ഷണ സമിതികള് ഒക്ടോബര് 31നകവും ഗ്രാമപഞ്ചായത്ത്-നഗരസഭാതല സമിതികള് നവംബര് 14നകവും ചേരണമെന്ന് ജില്ലാ കളക്ടര് ടി.വി. അനുപമ ഉദ്യോഗസ്ഥര്ക്ക് നിര്ദേശം നല്കി. യോഗത്തില് ആധ്യക്ഷ്യം വഹിക്കുകയായിരുന്നു കളക്ടര്. കുട്ടികള്ക്കെതിരേയുള്ള ലൈംഗികാതിക്രമങ്ങള് തടയുന്നതിനുള്ള നിയമത്തെക്കുറിച്ച് (പോക്സോ) സൗജന്യമായി ക്ലാസുകള് നല്കുമെന്ന് ജില്ലാ ലീഗല് സര്വീസ് അതോറിറ്റി സെക്രട്ടറിയായ സബ് ജഡ്ജി വി. ഉദയകുമാര് പറഞ്ഞു. വിവിധ വകുപ്പുകള് നടത്തുന്ന പ്രവര്ത്തനങ്ങള് യോഗം വിലയിരുത്തി.
പ്രതികരിക്കാൻ ഇവിടെ എഴുതുക: