തലശ്ശേരി: 2022-ലെ വികസിത ഇന്ത്യ എന്ന സ്വപ്നസാക്ഷാത്കാരത്തിലെത്താന് സ്കൂള്തലംതൊട്ട് വിവരസാങ്കേതികവിദ്യയിലൂന്നിയ വിദ്യാഭ്യാസമാണ് രാജ്യത്തിനാവശ്യമെന്ന പ്രൊഫ.റിച്ചാര്ഡ് ഹേ എംപി പറഞ്ഞു. വയലളം സെന്ട്രല് എല്പി സ്കൂളില് എംപിഫണ്ട് ഉപയോഗിച്ച് നിര്മ്മിച്ച സമാര്ട്ട് ക്ലാസ് റൂമിന്റെയും കമ്പ്യൂട്ടര് ലാബിന്റെയും ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം.
ലോകരാജ്യങ്ങളുടെ ഐടി ഹബ്ബായി ഇന്ത്യമാറണമെങ്കില് പ്രാഥമിക വിദ്യാഭ്യാസകാലംതൊട്ട് ഐടി അധിഷ്ഠിത പാഠ്യപദ്ധതി സംപുഷ്ടീകരിക്കേണ്ടതുണ്ട്. കേന്ദ്ര സംസ്ഥാന തദ്ദേശ സര്ക്കാരുകള് കൂടുതല് ശ്രദ്ധ പ്രാഥമിക വിദ്യാഭ്യാസ രംഗത്ത് കാണിക്കണം. വിദ്യാലയങ്ങളുടെ അടിസ്ഥാന കാര്യങ്ങളിലും സാങ്കേതിക വിദ്യയിലും സമൂഹത്തിന്റെ ഇടപെടലുകള് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു.
തലശ്ശേരി നഗരസഭാ വികസന സ്റ്റാന്റിംഗ് കമ്മറ്റി ചെയര്മാന് കെ.വിനയരാജ് അധ്യക്ഷതവഹിച്ചു. കൗണ്സിലര്മാരായ എം.എ.സുധീഷ്, ഇ.കെ.ഗോപിനാഥ്, പിടിഎ പ്രസിഡണ്ട് സി.വി.രമേശന്, എസ്എസ്ജി ചെയര്മാന് ആര്.ദാമോദരന്, ഒഎസ്എ ജനറല് കണ്വീനര് വി.കെ.ബാലന്, സി.പി.വത്സരാജന്, ഇ.വിജയകൃഷ്ണന് എന്നിവര് സംസാരിച്ചു. സ്കൂള് ഹെഡ്മാസ്റ്റര് കെ.രാജേഷ് സ്വാഗതവും സറ്റാഫ് സെക്രട്ടറി റീബനന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: