തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിലെ ബി നിലവറ തുറക്കരുതെന്ന് ശിവഗിരി മുന് മഠാധിപതി സ്വാമി പ്രകാശാനന്ദ. ബി നിലവറ തുറക്കരുതെന്നാവശ്യപ്പെട്ട് അഖില ഭാരത ശ്രീപദ്മനാഭദാസ ഭക്തജന സേവാസമിതി ക്ഷേത്രത്തിന്റെ കിഴക്കേനടയില് സംഘടിപ്പിച്ച ഏകദിന ഉപവാസയജ്ഞം ഉദ്ഘാടനം ചെയ്യുകയായിരുന്നു അദ്ദേഹം.
രാഷ്ട്രീയക്കാരും ക്ഷേത്രവസ്തുക്കളുടെ കൈയേറ്റക്കാരുമാണ് ബി നിലവറ തുറക്കണമെന്ന് മുറവിളി കൂട്ടുന്നത്. ഭക്തജനങ്ങളുടെ വിശ്വാസത്തെ ഹനിച്ചുകൊണ്ട് ഒരു തീരുമാനവും എടുക്കരുതെന്നും അദ്ദേഹം അധികാരികളോട് ആവശ്യപ്പെട്ടു. അഖില ഭാരത ശ്രീപദ്മനാഭദാസ ഭക്തജന സേവാസമിതി പ്രസിഡന്റ് അഡ്വ കെ. മോഹന്കുമാറിന്റെ നേതൃത്വത്തിലായിരുന്നു ഉപവാസം. സമിതി സെക്രട്ടറിമാരായ കാട്ടാക്കട മുരളി, മണക്കാട് ബാബുരാജ്, പി. ഗോപകുമാര്, അഡ്വ സൗമ്യ സന്തോഷ്, ബ്രാഹ്മണസമാജം സെക്രട്ടറി കെ. മധുസൂദനന്സ്വാമി എന്നിവരും പങ്കെടുത്തു.
ശ്രീപദ്മനാഭസ്വാമി ക്ഷേത്രത്തിലെ ബി നിലവറ തുറക്കരുതെന്നാവശ്യപ്പെട്ട് അഖില ഭാരത ശ്രീപദ്മനാഭദാസ ഭക്തജന സേവാസമിതി ക്ഷേത്രത്തിന്റെ കിഴക്കേനടയില് സംഘടിപ്പിച്ച ഏകദിന ഉപവാസയജ്ഞം ശിവഗിരി മുന് മഠാധിപതി സ്വാമി പ്രകാശാനന്ദ ഉദ്ഘാടനം ചെയ്യുന്നു.
പ്രതികരിക്കാൻ ഇവിടെ എഴുതുക: