തിരുവനന്തപുരം: ആചാരാനുഷ്ഠാനങ്ങളുടെ നേരെ നടക്കുന്ന കടന്നുകയറ്റത്തിനെതിരെ പ്രതിഷേധവുമായി അഖിലകേരളതന്ത്രിമണ്ഡലം തിരുവനന്തപുരം ജില്ലയുടെ മൂന്നാം വാര്ഷിക സമ്മേളനവും ആചാര്യ കുടുംബസംഗമവും 21 ന് തിരുവനന്തപുരം കോട്ടയ്ക്കകം, പാഞ്ചജന്യം കല്യാണമണ്ഡപത്തില് നടക്കും.
അശ്വതിതിരുനാള് ഗൗരിലക്ഷ്മിഭായി യോഗം ഉദ്ഘാടനം ചെയ്യും. സംസ്ഥാന പ്രസിഡന്റ് വി.ആര്. നമ്പൂതിരി ഭദ്രദീപപ്രോജ്വലനം നടത്തും. ജില്ലാ പ്രസിഡന്റ് വാഴയില്മഠം വിഷ്ണുനമ്പൂതിരി അധ്യക്ഷതവഹിക്കും.
അഖിലകേരളതന്ത്രിമണ്ഡലത്തിന്റെ കീഴില് ആരംഭിക്കുന്ന തന്ത്രിമണ്ഡലവിദ്യാപീഠത്തിന്റെ ഉദ്ഘാടനം ദേവസ്വം ബോര്ഡ് പ്രസിഡന്റ് പ്രയാര്ഗോപാലകൃഷ്ണന് നിര്വഹിക്കും. ലോഗോ പ്രകാശനം ദേവസ്വം റിക്രൂട്ട്മെന്റ് ബോര്ഡ് ചെയര്മാന് എന്. രാജഗോപാലന്നായര് നിര്വഹിക്കും. തന്ത്രിമണ്ഡലം സ്മരണിക അഖിലകേരള ബ്രാഹ്മണഫെഡറേഷന് ജനറല് സെക്രട്ടറി പ്രതീപ്ജ്യോതി പ്രകാശിപ്പിക്കും. താന്ത്രിക ആചാര്യനും മുന് ശബരിമല മേല്ശാന്തിയുമായിരുന്ന വാഴയില്മഠം ശങ്കരന്നമ്പൂതിരി സ്മൃതി പുരസ്കാരമായ ”താന്ത്രികശ്രീ” തന്ത്രിമണ്ഡലം മുന്സംസ്ഥാന പ്രസിഡന്റ് ക്ടാക്കോട്ടില്ലം സുഹൃദാചാര്യ എസ്. നീലകണ്ഠന് പോറ്റി തന്ത്രരത്നം അടിയമന രാജേഷ് പി. നമ്പൂതിരിക്ക് നല്കി നിര്വ്വഹിക്കും. താന്ത്രിക ജ്ഞാനയജ്ഞം സര്ട്ടിഫിക്കറ്റ് വിതരണോദ്ഘാടനം വൈകുണ്ഠം ഗോവിന്ദന്നമ്പൂതിരി നിര്വ്വഹിക്കും. 10, +2, പ്രഫഷണല് ക്ലാസുകളില് ഉന്നത വിജയം വരിച്ച കുട്ടികള്ക്കുള്ള ”ജ്ഞാനശ്രീ” പുരസ്കാരം രക്ഷാധികാരി എസ്. രാധാകൃഷ്ണന്നമ്പൂതിരിയും ”പ്രതിഭശ്രീ” പുരസ്കാരം ജനറല് സെക്രട്ടറി എസ്. രാധാകൃഷ്ണന്പോറ്റിയും വിതരണം ചെയ്യും.
പ്രതികരിക്കാൻ ഇവിടെ എഴുതുക: