കണ്ണൂര്: ഹര്ത്താല് ദിനത്തില് ഇരിട്ടി താലൂക്ക് ഓഫീസ് ജീവനക്കാരെ മര്ദ്ദിച്ച സംഭവത്തില് ജോയിന്റ് കൗണ്സില് കണ്ണൂര് ജില്ലാ കമ്മറ്റി പ്രതിഷേധിച്ചു. കുറ്റക്കാര്ക്കെതിരെ നടപടികള് സ്വീകരിക്കണമെന്ന് കമ്മറ്റി ആവശ്യപ്പെട്ടു. കണ്ണൂര് ജില്ലയിലെ റീ സര്വ്വേ നടക്കാത്ത വില്ലേജ് ഓഫീസുകളില് വ്യാപകമായ പരാതികളാണ് സര്വ്വെയുമായി ബന്ധപ്പെട്ട് ഉണ്ടാവുന്നത്. ഇത് പരിഹരിക്കുന്നതിന് ജില്ലയില് റീസര്വ്വെ പ്രവര്ത്തനം പുനരാരംഭിക്കണമെന്നും സംസ്ഥാനത്ത് അതിവേഗം വികസിച്ചുവരുന്ന കണ്ണൂര് ജില്ലയിലെ വികസന പ്രവര്ത്തനങ്ങള്ക്ക് കരുത്തുപകരാന് നിലവിലെ സര്വ്വെയര്മാരുടെ ഒഴിവുകള് നികത്തണമെന്നും വിവിധ ഓഫീസുകളില് തീര്പ്പാകാതെ കെട്ടിക്കിടക്കുന്ന പരാതികള് തീര്പ്പാക്കുന്നതിന് ഫയല് അദാലത്ത് സംഘടിപ്പിക്കണമെന്നും ജോയിന്റ് കൗണ്സില് കണ്ണൂര് ജില്ലാകമ്മറ്റി സര്ക്കാറിനോട് ആവശ്യപ്പെട്ടു. ജില്ലാ സെക്രട്ടറി നാരായണന് കുഞ്ഞിക്കണ്ണോത്ത് സ്വാഗതവും പ്രസിഡന്റ് ടി.വി.നാരായണന് അധ്യക്ഷത വഹിച്ചു. സംസ്ഥാന സെക്രട്ടറി സി.ഗിരീശന് ,സമരസമിതി ജില്ലാ കണ്വീനര് ബി.ജി.ധനഞ്ജയന്, അജയകുമാര് കരിവെള്ളൂര്, കെ.പി.പ്രകാശന്, മനീഷ് മോഹന്, അശോക് കുമാര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: