അടിമാലി: വില്പ്പനയ്ക്കായി ഓട്ടോയില് കടത്തിയ വിദേശമദ്യവുമായി രണ്ട് പേര് പിടിയില്. മമ്മട്ടിക്കാനം ചൂഴികുന്നേല് സനീഷ്, പുത്തന്പുരയ്ക്കല് സനീഷ് എന്നിവരാണ് പിടിയിലായത്. ഇവര് സഞ്ചരിച്ച കെ എല് 6 എഫ് 7148 ഓട്ടോയും പിടിച്ചെടുത്തു.
രാജാക്കാട് ബിവറേജില് നിന്നും വാങ്ങിയ പതിനേഴ് ലിറ്റര് വിദേശമദ്യം പഴയവിടുതി വഴി ഓട്ടോയില് കടത്തുന്നതിനിടെയാണ് പോലീസ് പിടികൂടിയത്. മമ്മട്ടിക്കാനം കൂത്തുങ്കല് മേഖലകളില് വന്തോതില് അനധികൃത മദ്യ വില്പ്പന നടക്കുന്നുണ്ടെന്ന വിവരം ലഭിച്ചതിന്റെ അടിസ്ഥാനത്തില് പോലീസ് പരിശോധനയും കര്ശനമാക്കിയിരുന്നു.
രാജാക്കാട് എസ്ഐ കെ. ജി. പ്രകാശ്, എഎസ്ഐമാരായ സജി.എന്. പോള്,പി. കെ. സജീവ്, സീനിയര് സിവില് പോലീസ് ഓഫീസര് രമേശന് എന്നിവരുടെ നേതൃത്വത്തിലാണ് പരിശോധന നടത്തിയത്.
പ്രതികരിക്കാൻ ഇവിടെ എഴുതുക: