കണ്ണൂര്: സര്ഗാത്മകസിദ്ധി കണ്ടെത്താനും പരിപോഷിപ്പിക്കാനുമുതകുന്ന നിരവധി മാറ്റങ്ങളുളള വിദ്യാഭ്യാസ പദ്ധതികളാണ് പൊതുവിദ്യാഭ്യാസ രംഗത്ത് കേരളത്തില് നടപ്പിലാക്കി കൊണ്ടിരിക്കുന്നതെന്ന് കെ.കെ.രാഗേഷ് എംപി പറഞ്ഞു. പഠനത്തിനും സര്ഗശേഷി വളര്ത്തുന്നതിനോടുമൊപ്പം വിദ്യാര്ത്ഥികള്ക്ക് സംഘടിക്കാനുളള അവകാശവും ഉണ്ടെന്ന് അദ്ദേഹം പറഞ്ഞു. റവന്യു ജില്ലാ സര്ഗോത്സവം ഡയറ്റ് കണ്ണൂര് പാലയാട് ഉദ്ഘാടനം ചെയ്യുകയായിരുന്നു അദ്ദേഹം.
ധര്മ്മടം ഗ്രാമപഞ്ചായത്ത് പ്രസിഡണ്ട് സി.പി.ബേബിസരോജം അധ്യക്ഷത വഹിച്ചു. ഡയറ്റ് പ്രിന്സിപ്പാള് കെ.പ്രഭാകരന്, എസ്എസ്എ പ്രോജക്ട് ഓഫീസര് ഡോ.പി.വി.പുരുഷോത്തമന്, കേരള സാഹിത്യ അക്കാദമി അംഗം ടി.പി.വേണുഗോപാലന്, കവി വീരാന്കുട്ടി, ഗ്രാമപഞ്ചായത്ത് അംഗം സി.പി.അജിത, ഡിഇഒമാരായ ടി.പി.നിര്മലാദേവി, എന്.ഗീത, പിടിഎ പ്രസിഡണ്ട് വി.ജി.ബിജു, ജില്ലാ കോ-ഓഡിനേറ്റര് എം.കെ.വസന്തന് എന്നിവര് സംസാരിച്ചു.രണ്ട് ദിവസത്തെ ശില്പശാലയില് കഥ വരമ്പ്, കാവ്യമൃതം, ചിത്രശാല എന്നിവ നടന്നു. ടി.പി.വേണുഗോപാലന്, പ്രേമാനന്ദ് ചമ്പാട്, ടി.കെ.ഷാജ്, വീരാന്കുട്ടി, സി.എം.വിനയചന്ദ്രന്, ഭാസ്കരന് തിക്കോടി, രമേശന് രജ്ഞനം, ഹരിദാസ് പുറമേരി, രമേശന് പൂക്കാട് എന്നിവര് നേതൃത്വം നല്കി. ഇന്ന് നാടകാഭിനയം നാടന്പാട്ട്, കവിതാലാപനം , ശില്പശാലകള്, നാടകം, കേരള ഫോക്ലോര് അക്കാദമി അവതരിപ്പിക്കുന്ന കുറത്തിയാട്ടവും അരങ്ങേറും.
പ്രതികരിക്കാൻ ഇവിടെ എഴുതുക: