കോഴിക്കോട്: ഇടവഴിയില് വെച്ച് പെണ്കുട്ടിയെ പിന്തുടര്ന്ന് പീഡിപ്പിക്കാന് ശ്രമിച്ചയാള്ക്കെതിരെ നടക്കാവ് പൊലീസ് കേസെടുത്തു.
പെണ്കുട്ടിയെ കടന്നുപിടിച്ച് പീഡിപ്പിക്കാന് ശ്രമിക്കുന്നതിന്റെ സിസി ടിവി ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിച്ചതിനെ തുടര്ന്നാണ് പോലീസ് അന്വേഷണം ആരംഭിച്ചത്. പെണ്കുട്ടിയില് നിന്നും ഇന്നലെ നടക്കാവ് പോ ലീസ് മൊഴിയെടുത്തു.
ഐ പി സി 354 വകുപ്പ് അനുസരിച്ച് സ്ത്രീത്വത്തെ അപമാനിച്ചതിനാണ് പൊലീസ് കേസെടുത്തിട്ടുള്ളത്. കോഴിക്കോട് വൈഎം സിഎ റോഡില് നിന്ന് മാവൂര് റോഡിലേക്ക് പോകുന്ന ഇടവഴിയില് പി വി എസ് ഫഌറ്റിന് പിന്വശത്തായി ബുധനാഴ്ച വൈകീട്ട് 5.45നാണ് സംഭവം നടന്നത്.
ബാഗുമായി നടന്നുപോകുന്ന പെണ്കുട്ടിയെ പിന്തുടര്ന്ന യുവാവ് പെണ്കുട്ടിയെ കടന്നുപിടിക്കുകയായിരുന്നു. അക്രമിച്ചയാളുടെ മുഖം സിസിടിവിയില് പതിഞ്ഞിട്ടുണ്ട്. പെണ്കുട്ടി ബഹളം വെച്ചതിനെ തുടര്ന്ന് ഇയാള് ഓടിപ്പോവുകയായിരുന്നു. പോലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: