കൊച്ചി: ചാലക്കുടി രാജീവ് വധക്കേസില് ഏഴാം പ്രതിയായ അഡ്വ. സി.പി. ഉദയഭാനുവിന്റെ മുന്കൂര് ജാമ്യഹര്ജി പരിഗണിക്കുന്നതില്നിന്ന് ജസ്റ്റിസ് പി. ഉബൈദ് പിന്മാറി. രാജീവന്റെ മകന് ആശങ്ക പ്രകടിപ്പിച്ചതിനെ തുടര്ന്നാണ് പിന്മാറ്റം.
ജാമ്യാപേക്ഷ മറ്റൊരു ബെഞ്ച് പരിഗണിക്കും. മുന്കൂര് നോട്ടിസ് നല്കി ഉദയഭാനുവിനെ ചോദ്യം ചെയ്യാന് ഹൈക്കോടതി പൊലീസിന് അനുവാദം നല്കിയിട്ടുണ്ട്. അതേസമയം, അറസ്റ്റ് തടഞ്ഞിരുന്നു. റിയല് എസ്റ്റേറ്റ് ഇടപാടില് നഷ്ടപ്പെട്ട പണം തിരിച്ചു പിടിക്കാന് നടത്തിയ ഗുണ്ടായിസമാണ് രാജീവിന്റെ കൊലയില് കലാശിച്ചത്.
രണ്ടാഴ്ചത്തെ ആസൂത്രണത്തിനുശേഷം രാജീവിനെ നാലംഗ ക്വട്ടേഷന് സംഘം തട്ടിക്കൊണ്ടുപോയി ആളൊഴിഞ്ഞ കെട്ടിടത്തില് വച്ച് വസ്തു ഇടപാടു രേഖകളില് ബലമായി ഒപ്പുവയ്പിക്കാന് ശ്രമിക്കുന്നതിനിടെ കൊല നടത്തുകയുമായിരുന്നു എന്നാണു സംശയം.
പരിയാരം തവളപ്പാറയില് കോണ്വന്റിന്റെ ഉടമസ്ഥതയിലുള്ള ഒഴിഞ്ഞ കെട്ടിടത്തില് സെപ്റ്റംബര് 29ന് രാവിലെയാണു മൃതദേഹം കണ്ടെത്തിയത്.
പ്രതികരിക്കാൻ ഇവിടെ എഴുതുക: