ഹോം » കായികം » 

അജയ്യനായി ആകാശ്

October 24, 2017

പാലാ: ജൂനിയര്‍ ആണ്‍കുട്ടികളുടെ ട്രിപ്പിള്‍ ജംപില്‍ ആകാശ് ഇത്തവണ വിട്ട് കൊടുത്തില്ല.മേളയില്‍ ട്രിപ്പിള്‍ സ്വര്‍ണ്ണം ലക്ഷ്യമിട്ടിറങ്ങിയ മണീട് സ്‌കൂളിലെ കെ.എം.ശ്രീകാന്തിനെ പിന്തള്ളിയാണ് ആകാശ് എം വര്‍ഗീസ് സ്വര്‍ണ്ണം പിടിച്ചെടുത്തത്.കഴിഞ്ഞ ദിവസം ലോംങ് ജംപില്‍ ദേശീയ റെക്കോര്‍ഡ് മറി കടന്നിട്ടും ശ്രീകാന്തിന് പിന്നില്‍ രണ്ടാമനാകേണ്ടി വന്നതിന്റെ നിരാശ കൂടി മറി കടക്കുന്ന വിജയം.14.53 മീറ്റര്‍ ചാടിയാണ് ആകാശ് സ്വര്‍ണ്ണം നേടിയത്. .കോട്ടയം വാകത്താനം കടുവാക്കുഴിയില്‍ മനയില്‍ വര്‍ഗീസ് ജോണ്‍ – സുരേഖ ദമ്പതികളുടെ മകനാണ്.അത്‌ലറ്റയായിരുന്ന അമ്മ സുരേഖയാണ് മകന് കായികലോകത്തേക്ക് വഴികാട്ടിയത്. കോട്ടയം കുറമ്പനാടം സെന്റ്പീറ്റേഴ്‌സ് സ്‌കൂളിലെ വിദ്യാര്‍ത്ഥിയായ ആകാശ്് ജില്ലാ സ്‌കൂള്‍ കായിക മേളയിലെ മികച്ച ചാമ്പ്യനായിരുന്നു.

 

Related News from Archive
Editor's Pick