തൊടുപുഴ: ജില്ലാ ശാസ്ത്രോത്സവത്തിലെ സാമൂഹ്യ ശാസ്ത്രമേളയില് എല്പി, യുപി, എച്ച്എസ് വിഭാഗങ്ങളില് തൊടുപുഴ ഓവറോള് ചാമ്പ്യന്മാര്. ഹയര് സെക്കന്ഡറി വിഭാഗത്തില് കട്ടപ്പന ഓവറോള് നേടി. ഡോ. എപിജെ അബ്ദുല് കലാം ഹയര് സെക്കന്ഡറി സ്കൂളിലും ഡീപോള് സ്കൂളിലുമായാണ് മത്സരങ്ങള് നടക്കുന്നത്.
എല്പി വിഭാഗത്തില് 55, യുപിയില് 49, ഹൈസ്കൂള് തലത്തില് 78 പോയിന്റും നേടിയാണ് തൊടുപുഴ ഒന്നാമതെത്തിയത്. എല്പി, ഹൈസ്കൂള് വിഭാഗത്തില് രണ്ടാം സ്ഥാനക്കാരായ കട്ടപ്പനയ്ക്ക് 37, 71 പോയിന്റ് വീതമാണ് ലഭിച്ചത്. യുപി വിഭാഗത്തില് രണ്ടാം സ്ഥാനക്കാരായ നെടുങ്കണ്ടത്തിന് 36 പോയിന്റും ലഭിച്ചു. ഹയര് സെക്കന്ഡറി വിഭാഗം ചാമ്പ്യന്മാരായ കട്ടപ്പനയ്ക്ക് 71 പോയിന്റുണ്ട്. 58 പോയിന്റുമായി നെടുങ്കണ്ടം രണ്ടാം സ്ഥാനത്തെത്തി.
വാഴത്തോപ്പ് എസ്ജി യുപിഎസ്, പൈങ്കുളം സെന്റ് തോമസ് യുപിഎസ്, തൊടുപുഴ സെന്റ് സെബാസ്റ്റ്യന് യുപിഎസ്, സെന്റ് ജെറോം എച്ച്എസ്എസ് വെള്ളയാംകുടി, സെന്റ് തോമസ് എച്ച്എസ്എസ് ഇരട്ടയാര് എന്നീ സ്കൂളുകള് സാമൂഹിക ശാസത്ര മേളയിലെ വിവിധ വിഭാഗങ്ങളില് ഓവറോള് ചാമ്പ്യന്മാരായി.
ശാസ്ത്ര, ഗണിത ശാസ്ത്ര, ഐടി മത്സരങ്ങള് ഇന്നും തുടരും. പ്രവര്ത്തി പരിചയമേളയും നടക്കും. ഹയര് സെക്കന്ഡറി വിഭാഗത്തിലും ഹൈസ്കൂള് വിഭാഗത്തിലും കട്ടപ്പനയാണ് ഒന്നാമത്. 135ഉം 159 എന്നിങ്ങനെയാണ് പോയിന്റ് നില. യുപിയിലും എല്പിയിലും തൊടുപുഴയാണ് ഒന്നാമത്.
പി.ജെ. ജോസഫ് എംഎല് എ മേള ഉദ്ഘാടനം ചെയ്തു. നഗരസഭ വിദ്യാഭ്യാസ സ്ഥിരം സമിതി അധ്യക്ഷ നിര്മല ഷാജി അധ്യക്ഷനായി. വിദ്യാഭ്യാസ ഡപ്യുട്ടി ഡയറക്ടര് എ. അബൂബക്കര്, കൗണ്സിലര് ഷാഹുല് ഹമീദ്, പിടിഎ പ്രസിഡന്റ് പി.കെ. ഷാജി, ഹയര് സെക്കന്ഡറി സ്കൂള് പ്രിന്സിപ്പല് യു.എന്. പ്രകാശ്, ഡീ പോള് സ്കൂള് പ്രിന്സിപ്പല് ഫാ. ഡിനില് പുല്ലാട്ട് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: