തൊടുപുഴ: റവന്യൂജില്ലാ ശാസ്ത്രോത്സവത്തില് നാല് വിഭാഗങ്ങളിലും ഓവറോള് നേടി തൊടുപുഴ ഉപജില്ല. പ്രവൃത്തി പരിചയമേള, ശാസ്ത്രമേള, ഐടി എന്നിവയില് ചാമ്പ്യന് പട്ടം നേടിയാണ് തൊടുപുഴ അജയ്യരായത്. ഗണിത മേളയില് കട്ടപ്പന ഉപജില്ല 358 പോയിന്റ് നേടി ഓവറോള് ചാമ്പ്യന്മാരായി.
327 പോയിന്റ് നേടിയ തൊടുപുഴ റണ്ണേഴ്സപ്പായി. ആദ്യ ദിനം പൂര്ത്തിയായ സാമൂഹികശാസ്ത്രമേളയിലും തൊടുപുഴ ഉപജില്ല ഓവറോള് നേടിയിരുന്നു. പ്രവൃത്തിപരിചയമേളയില് തൊടുപുഴ 47463 പോയിന്റ് നേടിയപ്പോള് 42377 പോയിന്റ് കട്ടപ്പന നേടി.
അടിമാലി 41612, നെടുങ്കണ്ടം 36698 ഉപജില്ലകള് മൂന്നും നാലും സ്ഥാനം നേടി. ശാസ്ത്രമേളയില് തൊടുപുഴ 170 പോയിന്റ് നേടിയപ്പോള് കട്ടപ്പന ഉപജില്ല 130 പോയിന്റ് നേടി റണ്ണേഴ്സപ്പായി. നെടുങ്കണ്ടവും(127) അടിമാലിയും (101) മൂന്നും നാലും സ്ഥാനത്തെത്തി.
ഐടി മേളയില് 127 പോയിന്റ് നേടി ഓവറോറാള് നേടിയ തൊടുപുഴയ്ക്ക് തൊട്ടു പിന്നിലായി 120 പോയിന്റ് നേടി നെടുങ്കണ്ടം രണ്ടാമതെത്തി. വൈകിട്ട് തൊടുപുഴ എപിജെ അബ്ദുള്കലാം സ്കൂളില് നടന്ന സമാപന സമ്മേളനം നഗരസഭാ ചെയര്പേഴ്സണ് സഫിയ ജബ്ബാര് ഉദ്ഘാടനം ചെയ്തു.
വൈസ് ചെയര്മാന് ടി.കെ. സുധാകരന് നായര് അദ്ധ്യക്ഷനായിരുന്നു. ഡിഡിഇ അബൂബക്കര് സമ്മാനദാനം നിര്വഹിച്ചു. കൗണ്സിലര്മാരായ പ്രൊഫ. ജെസി ആന്റണി, വിജയകുമാരി, ഷാഹുല് ഹമീദ്, സ്കൂള് പ്രിന്സിപ്പല് എന്.യു. പ്രകാശ്, ഹെഡ്മാസ്റ്റര് അബ്ദുള്ഖാദര്, എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: