വെളുത്തപക്ഷ ബുധന് മുതല് ഏഴു ബുധനാഴ്ചകളില് ഈ വ്രതം അനുഷ്ഠിക്കാം. സര്വ്വാഭീഷ്ട സിദ്ധിക്കായി നടത്തുന്നതാണിത്.
രാവിലെ സ്നാനാദികള്ക്ക് ശേഷം വൃത്തിയുള്ള വസ്ത്രങ്ങള് ധരിച്ച് ക്ഷേത്രദര്ശനം നടത്തുന്നതോടൊപ്പം ബുധപൂജ കൂടി നടത്തേണ്ടതാണ്. ഇതില് തുളസിമാല ഒഴിച്ചുകൂടാനാവാത്തതാണ്.
സകലവിധ ആഗ്രഹങ്ങളും സഫലമാവുമെന്നാണ് പൊതുവിലുള്ള വിശ്വാസം. വടക്കു ദിക്കിലേക്കുള്ള യാത്ര ഈ ദിനത്തില് വര്ജ്യവുമത്രെ! ശ്രീകൃഷ്ണ ക്ഷേത്രങ്ങളിലെ ദര്ശനം ഉത്തമമാണ്.
വ്യാഴാഴ്ച വ്രതം
വൈശാഖമാസത്തില് പ്രത്യേകമായി അനുഷ്ഠിക്കുന്ന വ്രതമാണിത്. കുടുംബത്തില് ഐശ്വര്യം പ്രദാനം ചെയ്യുവാനാണ് പ്രധാനമായും ആചരിക്കുന്ന ത്. ഒരിക്കലുണ്ട് വിഷ്ണുക്ഷേത്രത്തില് ദര്ശനം നടത്തി ലക്ഷ്മി നാരായണന്മാരെ തുളസികൊണ്ട് പൂജിക്കുന്നു. പശുവിന്റെ പാലില്നിന്നെടുക്കുന്ന മഞ്ഞനിറത്തിലുള്ള നെയ്യ് ചേര്ത്തുണ്ടാക്കുന്ന ഭക്ഷ്യപദാര്ത്ഥങ്ങള്കൊണ്ട് സജ്ജനങ്ങള്ക്ക് അന്നദാനം നടത്തേണ്ടതാണ്. മഞ്ഞനിറമുള്ള വസ്തുക്കള് ഉപയോഗിക്കുന്നതും കൊടുക്കുന്നതും ഭക്ഷിക്കുന്നതും വളരെ വിശേഷമാണ്. ഈ ദിവസങ്ങളില് കദളിവാഴ പ്രദക്ഷിണം, പൂജ എന്നിവയൊക്കെ ഏറെ ഗുണകരമത്രെ!
വെള്ളിയാഴ്ച വ്രതം
ശുക്ലപക്ഷത്തിലെ വെള്ളി അല്ലെങ്കില് ചിങ്ങമാസത്തിലെ പ്രഥമ വെള്ളി മുതല് ഇരുപത്തിയൊന്നു വെള്ളിയാഴ്ചകളില് ഈ വ്രതം ആചരിക്കേണ്ടതാണ്. വെള്ള വസ്ത്രമാണ് ധരിക്കേണ്ടത്. ശുക്രദശാകാലമുള്ളവരാണ് വ്രതമനുഷ്ഠിക്കേണ്ടത്. അന്നപൂര്ണേശ്വരിയെ ഭജിക്കണം. പശുക്കള്ക്ക് പൂജ നടത്തുകയും നിവേദ്യ വ്സതുക്കള് നല്കുകയും വേണം. ദേവീപുരാണപാരായണം, അഷ്ടലക്ഷ്മീ പൂജ, സ്ത്രോത്രജപം, ദുര്ഗ്ഗാക്ഷേത്ര ദര്ശനം എന്നിവ വിശേഷങ്ങളാണ്. ലളിതാ സഹസ്രനാമം ഉത്തമമാണ്. അന്നേ ദിവസം അത്താഴപ്പട്ടിണി പാടുള്ളതല്ല. വെള്ളിയാഴ്ച ദിവസങ്ങളില് ധാന്യംപോലുള്ള ഐശ്വര്യദായക വസ്തുക്കളൊന്നും സന്ധ്യാനേരങ്ങളില് ആര്ക്കും നല്കുകയോ കൈമാറ്റം ചെയ്യുകയോ പതിവില്ല. വെളുത്ത പുഷ്പങ്ങള് കൊണ്ട് ശുക്രപൂജ ചെയ്യേണ്ടതാണ്.
ശനിയാഴ്ച വ്രതം
ജീവിതത്തിലെ വിഘ്നങ്ങളില്നിന്ന് കരകയറാനും ഇനി വരാതിരിക്കുവാനും വേണ്ടി അനുഷ്ഠിക്കുന്നതാണിത്. ശാസ്താവിനെ പ്രീതിപ്പെടുത്തലാണ് മുഖ്യലക്ഷ്യം. ശുക്ലപക്ഷ ശനി മുതല് പത്തൊന്പതു ആഴ്ചകളിലാണ് ഈ വ്രതം ആചരിക്കേണ്ടത്. ശനിയാഴ്ചയും പ്രദോഷവും ഒത്തുവരുന്ന ദിനം വിശേഷമാണ്. കുടുംബത്തില് ഐക്യം, സാമ്പത്തികാഭിവൃദ്ധി, കലഹനിവാരണം, ശത്രുപദ്രവം, പിതൃകോപം, ബാധദോഷങ്ങള് ഇത്യാദികള് നീങ്ങുവാന് ഈ വ്രതം അനുഷ്ഠിക്കേണ്ടതാണ്.
ഈ ദിവസം ശനിഗ്രഹത്തെ ലക്ഷ്യമാക്കി പൂജയും ചെയ്യാം. ശനിക്ക് പ്രിയങ്കരങ്ങളായ കറുത്ത വസ്ത്രം, എള്ള്, ഇരുമ്പ്, ഉഴുന്ന്, എണ്ണ ഇത്യാദിയൊക്കെ നിര്ബന്ധമാണ്. ഇവകൊണ്ട് പൂജ ചെയ്യുന്നത് ശനി ദോഷം അകറ്റുവാന് ആവശ്യമാണ്. ഈ വ്രതമനുഷ്ഠിക്കുന്നവര് സാമാന്യമായുള്ള വ്രതവിധികള് പാലിക്കേണ്ടതാണ്. ഒരിക്കലൂണ് അനുവര്ത്തിക്കണം.
ശാസ്താക്ഷേത്രങ്ങളില് ദര്ശനം നടത്തുകയും ശാസ്താ കീര്ത്തനങ്ങളും ശനീശ്വരകീര്ത്തനങ്ങളും ചൊല്ലുകയും വേണം. ശാസ്താ ക്ഷേത്രങ്ങളില് നീരാജനം വഴിപാട് നടത്തുന്നത് ഉത്തമമാണ്. സകലബാധകള് അകറ്റാനും ഐശ്വര്യം പ്രദാനം ചെയ്യാനും വ്രതാനുഷ്ഠാനത്തിന് കഴിയുന്നുണ്ട്.
നിലമ്പൂര് കെ.ആര്.സി
പ്രതികരിക്കാൻ ഇവിടെ എഴുതുക: