കട്ടപ്പന: ഇരട്ടയാര് ഗ്രാമപഞ്ചായത്തിലെ കര്ഷകര്ക്ക് വിതരണം ചെയ്യുവാനായി എത്തിച്ച കൊക്കോതൈകള് കൃഷിഭവനില് ഇരുന്ന് കരിഞ്ഞുണങ്ങി. സ്റ്റേറ്റ് ഹോര്ട്ടികള്ച്ചര് മിഷന്റെ ഭാഗമായാണ് ഒരു മാസം മുന്പ് മൂവായിരം കൊക്കോതൈകള് കൃഷിഭവനില് എത്തിച്ചത്.
കൃഷിക്കാവശ്യമായ സബ്സിഡിയും നല്കിയാണ് കര്ഷകര്ക്ക് തൈകള് വിതരണം ചെയ്യുന്നത്. ഒരു മാസം കഴിഞ്ഞിട്ടും കൊക്കോതൈകള് പൂര്ണമായും വിതരണം നടത്തുവാന് അധികൃതര്ക്കായിട്ടില്ല. കൊക്കോ കൃഷി ലാഭകരമല്ലാതായതോടെ കൃഷി നടത്തുവാന് കര്ഷകര് വിമുഖത കാണിക്കുകയാണെന്നും. അതുകൊണ്ടാണ് തൈകള് വിതരണം ചെയ്യാതെ ഇരുന്നുപോയതെന്നും കൃഷിവകുപ്പ് അധികൃതര് പറയുന്നു. നിരവധി കൊക്കോതൈകള് കരിഞ്ഞുണങ്ങിയതിനാല് എടുത്തുകളഞ്ഞിട്ടുമുണ്ട്. കൊക്കോയുടെ കീടബാധയും, ഉല്പാദനക്കുറവും വിലത്തകര്ച്ചയും കര്ഷകരെ ഏറെ പ്രതിസന്ധിയിലാക്കിയിരുന്നു.
കര്ഷകരുടെ ആവശ്യം മനസിലാക്കാതെയാണ് കൃഷിഭവന് പദ്ധതികള് തയാറാക്കുന്നത്. അത് മാറ്റി കര്ഷകര്ക്ക് ഉതകുന്ന രീതിയിലുള്ള തൈകള് വിതരണം ചെയ്യണമെന്നും ഗ്രാമപഞ്ചായത്ത് വൈസ് പ്രസിഡന്റ് റെജി ഇലിപുലികാട്ട് പറഞ്ഞു
പ്രതികരിക്കാൻ ഇവിടെ എഴുതുക: