കൊല്ലം: ഇരവിപുരം മണ്ഡലത്തില് മയ്യനാട് ഗ്രാമ പഞ്ചായത്തില് കൂട്ടിക്കട-മയ്യനാട് റോഡിന്റെ അറ്റകുറ്റപ്പണിയില് ക്രമക്കേടെന്ന് പരാതി. കുണ്ടും കുഴിയുമായി കിടന്ന റോഡിലൂടെ യാത്ര ബുദ്ധിമുട്ടായിരുന്നു. നാട്ടുകാരുടെ നിരന്തര പരാതിയെ തുടര്ന്നാണ് അറ്റകുറ്റപ്പണികള് നടത്തിയത്.
ചെറിയ കുഴികള് ഒഴിവാക്കി വലിയ കുഴികള് മാത്രമാണ് അടച്ചത്. വേണ്ടത്ര ടാറും മെറ്റലും ചേര്ക്കാതെയാണ് പണി നടത്തിയതെന്നും ആക്ഷേപമുണ്ട്. പല സ്ഥലത്തും ടാര് ഇളകി കുഴികള് രൂപപ്പെട്ടതായും ശക്തമായ മഴ പെയ്താല് റോഡ് പഴയ നിലയില് എത്തുമെന്നും നാട്ടുകാര് പറഞ്ഞു.
എംഎല്എ: എം. നൗഷാദിന്റെ ഫണ്ടില് നിന്നാണ് തുക അനുവദിച്ചിരിക്കുന്നത്. മണ്ഡലത്തിലെ ചില റോഡുകള് ഉള്പ്പെടുത്തി അറ്റകുറ്റപ്പണികള്ക്ക് ആകെയാണ് തുക അനുവദിച്ചിരിക്കുന്നതെന്നും റോഡിന് അനുവദിച്ച തുകയെ കുറിച്ചും കൃത്യമായി അറിയില്ലെന്നും എം. നൗഷാദ് പറഞ്ഞു. എംഎല്എ ഫണ്ടായതിനാല് പണികളെ കുറിച്ച് അറിയില്ലെന്നാണ് ഗ്രാമ പഞ്ചായത്ത് പ്രസിഡന്റ് എല്. ലക്ഷ്മണന്റെ വിശദീകരണം.
പ്രതികരിക്കാൻ ഇവിടെ എഴുതുക: