കണ്ണൂര്: പൊതുവിദ്യാലയങ്ങളിലെ കുട്ടികളെ വായനയുടെ ലോകത്തേക്ക് കൈപിടിച്ചുയര്ത്തുന്നതിനായി പൊതുജനങ്ങളുടെ സഹകരണത്തോടെ സ്കൂളുകളില് തയ്യാറാക്കിയ ക്ലാസ്സ്ലൈബ്രറിയുടെ പൂര്ത്തികരണ പ്രഖ്യാപനം നടന്നു. കണ്ണൂര് നോര്ത്ത് ബിആര്സി പരിധിയിലെ 102 സ്കൂളുകളിലെ പ്രൈമറി ക്ലാസ്സുകളിലെ സമ്പൂര്ണ ക്ലാസ്സ്ലൈബ്രറി പ്രഖ്യാപനം കണ്ണൂര് മേയര് ഇ.പി.ലത നിര്വഹിച്ചു. 450 എല് പി ഡിവിഷനുകളില് 50 വീതം പുസ്തകങ്ങള് ഉള്പ്പെടുത്തിയാണ് ക്ലാസ്സ് ലൈബ്രറി സജ്ജീകരിച്ചത്.
സര്വശിക്ഷാ അഭിയാന്റെ നേത്യത്വത്തില് ഒന്നാം ക്ലാസ്സില് ലൈബ്രറി ഒരുക്കുന്നതിന്റെ ഭാഗമായി 114 ഡിവിഷനുകളില് ലൈബ്രറി പുസ്തകങ്ങളുടെ വിതരണോദ്ഘാടനവും നടന്നു. പുസ്തകങ്ങള് സൂക്ഷിക്കാന് ശിശുസൗഹ്യദമായ അലമാരകളും സജ്ജമാക്കി. പൊതുജനങ്ങള്, പിടിഎ പൂര്വ്വവിദ്യാര്ത്ഥികള്, പൂര്വ്വ അധ്യാപകര്, കുട്ടികള് എന്നിവരുടെ സഹകരണത്തോടെയാണ് ക്ലാസ്സ് ലൈബ്രറി ഒരുക്കിയത്. പാഠ്യപദ്ധതി ലക്ഷ്യങ്ങള് സാക്ഷാല്കരിക്കാനും സാമൂഹ്യ അവബോധമുള്ള ഒരു തലമുറയെ വാര്ത്തെടുക്കാനും ഇത്തരം സംരംഭങ്ങള്ക്ക് സാധിക്കുമെന്ന് മേയര് ഇ.പി.ലത അഭിപ്രായപ്പെട്ടു. ബിപിഒ ക്യഷ്ണന് കുറിയ സ്വാഗതം പറഞ്ഞു. ആകാശവാണി പ്രോഗ്രാം എക്സിക്യൂട്ടീവ് വി.ചന്ദ്രബാബു മുഖ്യപ്രഭാഷണം നടത്തി. സബ്ജില്ലാ വിദ്യാഭ്യാസ ഓഫീസര് കെ.വി.സുരേന്ദ്രന്, എച്ച് എം ഫോറം സെക്രട്ടറി പ്രദീപ് കുമാര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: