മുക്കം: ഹരിത കേരളം പദ്ധതിയുടെ ഭാഗമായി കാരശേരി പഞ്ചായത്തിലെ കല്പ്പൂര് ചെറുപുഴയില് നിര്മ്മിച്ച തടയണ പൊളിഞ്ഞു. ഇന്നലെ രാവിലെ നിര്മ്മിച്ച തടയണയാണ് വൈകുന്നേരം തന്നെ പൊളിഞ്ഞത്.അശാസ്ത്രീയമായ നിര്മ്മാണമാണ് തടയണ പൊളിയാന് കാരണമെന്ന് നാട്ടുകാര് പറഞ്ഞു.
സാധാരണ നിലയില് ചാക്കുകളില് മണല് നിറച്ചാണ് തടയണകള് നിര്മ്മിക്കുന്നത്. എന്നാല് ചെറുപുഴയില് നിര്മ്മിച്ച തടയണകളില് മണ്ണാണ് നിറച്ചിരുന്നത്. മണ്ണ് നനഞ്ഞതോടെ അട്ടിക്കിട്ട ചാക്കുകള് മറിഞ്ഞ് വീഴുകയായിരുന്നു.
ഹരിത കേരളം മിഷന് ഒന്നാം വാര്ഷികത്തിന്റെ ഭാഗമായി ജില്ലയില് നിര്മ്മിക്കുന്ന 400 ചെറുകിട തടയണകളുടെ ജില്ലാതല ഉദ്ഘാടനം ഇന്നലെ മന്ത്രി മാത്യു ടി തോമസാണ് നിര്വഹിച്ചത്.ജില്ലാ ഭരണകൂടത്തിന്റെ നേതൃത്വത്തില് എന്.എസ്.എസ് ഉള്പ്പെടെയുളള സന്നദ്ധ സംഘടനകളുടെ സഹായത്തോടെയാണ് ഇത് നിര്മ്മിച്ചത്.
പാഴായി പോകുന്ന തുലാവര്ഷ നീരൊഴുക്ക് തടഞ്ഞു നിര്ത്തി വേനല്കെടുതിയെ നേരിടാനുളള മുന്നൊരുക്കമാണ് പദ്ധതിയിലൂടെ ജില്ലയിലാകെ നടപ്പാക്കാന് ലക്ഷ്യമിട്ടത്. .ജലസേചനം, കൃഷി വകുപ്പുകള്, തദ്ദേശസ്വയംഭരണസ്ഥാപനങ്ങള് സംയുക്തമായി അഗ്രികള്ച്ചറല് ടെക്നോളജി മാനേജ്മെന്റ് ഏജന്സിയുമായി ചേര്ന്നാണ് പദ്ധതി നടപ്പിലാക്കുന്നത്.
പ്രതികരിക്കാൻ ഇവിടെ എഴുതുക: