ശാസ്ത്രീയ നാമം: Ziziphus jujuba
സംസ്കൃതം-കോല, അജപ്രിയ, ഗുഡ
തമിഴ്: എളന്തൈ
എവിടെക്കാണാം: തമിഴ്നാടിന്റെ അതിര്ത്തിയോട് ചേര്ന്നുള്ള പാലക്കാട്, അട്ടപ്പാടി, മറയൂര്, ചിന്നാര് തുടങ്ങിയ മഴകുറഞ്ഞ വരണ്ട വനങ്ങളില് മുള്ള് ചെടിയായി കാണുന്നു.
പുനരുത്പാദനം: വിത്തില് നിന്ന്
ചില ഔഷധപ്രയോഗങ്ങള്: എളന്തയുടെ തൊലി ഉണക്കിപ്പൊടിച്ച് കാടിവെള്ളത്തില് അരച്ച് തേച്ചാല് പനിമൂലം ഉ്ണ്ടാകുന്ന പോളന്( വൃണങ്ങള്) ശമിക്കും
എളന്തയുടെ ഇല കാടിയില് അരച്ച് നാഭിയില് തേച്ചാല് മൂത്രതടസ്സം, മൂത്രമൊഴിക്കുമ്പോഴുള്ള വേദന ഇവ മാറും.
എളന്ത ഇലയും അത്തിയിലയും കൂട്ടി മനുഷ്യമൂത്രത്തില് അരച്ച് തേച്ചാല് തേള്വിഷം ക്ഷണത്തില് ശമിക്കും. എളന്തയുടെ പച്ചക്കായ്, വേട്ടാവളിയന് കൂട് എന്നിവ അരച്ച് നെഞ്ചില് തേച്ചാല് ഛര്ദ്ദി നില്ക്കും.
ലന്തക്കുരുപ്പരിപ്പ്, ചന്ദനം, പച്ചക്കര്പ്പൂരം, മലര്, ഏലത്തരി, എലവര്ങത്തൊലി, നാഗപ്പൂവ്, കൊട്ടം ഇവ ഓരോന്നും 20 ഗ്രാം വീതം എടുത്ത് പൊടിക്കുക. ഓരോ സ്പൂണ് പൊടി( അഞ്ച് ഗ്രാം) പാലില് കലക്കി കുടിച്ചാല് എല്ലാവിധ ഛര്ദ്ദിയും വിശപ്പില്ലായ്മയും മാറും.
എലന്തയുടെ തളിരില 10 ഗ്രാം, കുരുമുളക് 10 എണ്ണം, നാല് വെളുത്തുള്ളി ഇത്രയും കാടിയില് അരച്ച് കലക്കി, ആര്ത്തവം തുടങ്ങി മൂന്ന് ദിവസം രാവിലെയും അത്താഴ ശേഷവും സേവിച്ചാല് ഗര്ഭാശയ രോഗങ്ങള് മാറിക്കിട്ടും.
ലന്തക്കുരുപ്പരിപ്പ് പൊടിച്ച് മൂന്ന് ഗ്രാം വീതം പാലില് ചേര്ത്ത് കുടിച്ചാല് വെള്ളപോക്ക് മാറും.
എളന്തയുടെ തളിരില തൈരില് അരച്ച് കുടിച്ചാല് വിരകൊണ്ടുള്ള വയറിളക്കം, ഛര്ദ്ദി എന്നിവ മാറും.എളന്ത ഇല 50 ഗ്രാം നറുനെയ്യില് വറുത്ത് 10 ഗ്രാം ഇന്തുപ്പ് ചേര്ത്ത് പൊടിച്ച് ഒരു സ്പൂണ് പൊടി( അഞ്ച് ഗ്രാം) തേനും നെയ്യും കൂട്ടി സേവിച്ചാല് ഒച്ചയടപ്പ്( സ്വരഭേദം) നെഞ്ചിലെ കഫം ഇവ മാറും.
ലന്തക്കുരു പരിപ്പ്, രക്തചന്ദനം, ഇന്തുപ്പ്, കൊട്ടം, പാച്ചോറ്റിത്തൊലി, മഞ്ഞള്, ചന്ദനം, കുരുമുളക്, ബാര്ലി അരി, ഇവ സമം പൊടിച്ച് ശീലപ്പൊടിയാക്കി നെയ്യ്, തേന്, പാല് ഇവയില് ഏതെങ്കിലും ഒന്നില് ചാലിച്ച് മുഖത്ത് തേച്ചാല് മുഖക്കുരു, കരിമംഗല്യം, പാടുകള് ഇവ മാറും.
മലര്, ലന്തക്കുരു, അഞ്ജനക്കല്ല് ഇവ സമം പൊടിച്ച് രണ്ട് ഗ്രാം തേനില് ചാലിച്ച് സേവിച്ചാല് ഇക്കിള് ശമിക്കും.
എളന്തയുടെ പച്ചക്കമ്പ് 12 എണ്ണം എടുത്ത് ഇഷ്ടിക മേല് വച്ച് കത്തിക്കുക. അപ്പോള് കടഭാഗത്തു നിന്നും ഊറിവരുന്ന വെള്ളം പാത്രത്തില് ശേഖരിക്കുക. ഈ വെള്ളം വെളളപ്പാണ്ടുള്ള ഭാഗത്ത് ഒരു മാസം തേച്ചാല് വെള്ളപ്പാണ്ട് മാറും.
പ്രതികരിക്കാൻ ഇവിടെ എഴുതുക: