തിരുവനന്തപുരം: പട്ടികജാതിവികസനവകുപ്പിന്റെ നിയന്ത്രണത്തില് തിരുവനന്തപുരം മണ്ണന്തലയില് പ്രവര്ത്തിക്കുന്ന ഗവ: പ്രീ-എക്സാമിനേഷന് ട്രെയിനിംഗ് സെന്ററില് സെക്രട്ടേറിയറ്റ്, പിഎസ്സി, അഡ്വക്കേറ്റ് ജനറല് ഓഫീസ്, ലോക്കല് ഫണ്ട്, വിജിലന്സ് ട്രൈബ്യൂണല്, സ്പെഷ്യല് ജഡ്ജ് ആന്റ് എന്ക്വയറി കമ്മീഷണര് ഓഫീസ് എന്നിവിടങ്ങളിലെ അസിസ്റ്റന്റ്/ആഡിറ്റര് തസ്തികകളിലേക്ക് നടത്തുന്ന ബിരുദതല മത്സരപരീക്ഷകള്ക്കുവേണ്ടി ആറുമാസം ദൈര്ഘ്യമുള്ള സൗജന്യപരിശീലനത്തിന് ബിരുദം അടിസ്ഥാനയോഗ്യതയുള്ള തിരുവനന്തപുരം, കൊല്ലം, പത്തനംതിട്ട ജില്ലകളിലെ ഉദ്യോഗാര്ഥികളില് നിന്ന് അപേക്ഷ ക്ഷണിച്ചു. പട്ടികജാതി/പട്ടികവര്ഗക്കാര്ക്കും ഒരുലക്ഷംരൂപ വരെ വാര്ഷികവരുമാനമുള്ള മറ്റ് പിന്നാക്കവിഭാഗക്കാര്ക്കും അപേക്ഷിക്കാം. പട്ടികജാതി/പട്ടികവര്ഗക്കാര്ക്ക് സര്ക്കാര് ഉത്തരവിന് വിധേയമായി സ്റ്റൈപന്റ് ലഭിക്കും. 2018 ഫെബ്രുവരി ഒന്നിന് ആരംഭിക്കുന്ന ഈ ക്ലാസ്സില് ചേരാന് താത്പര്യമുള്ളവര് ജാതി, വരുമാനം, വിദ്യാഭ്യാസ യോഗ്യത എന്നിവ തെളിയിക്കുന്ന സര്ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്പ്പുകള്, ഒരു ഫോട്ടോ എന്നിവ സഹിതം 2018 ജനുവരി 25 ന് മുമ്പ് തിരുവനന്തപുരം മണ്ണന്തലയില് പ്രവര്ത്തിക്കുന്ന ഗവ: പ്രീ-എക്സാമിനേഷന് ട്രെയിനിംഗ് സെന്ററില് അപേക്ഷ സമര്പ്പിക്കണം. അപേക്ഷാഫോം ഈ ഓഫീസില് നിന്നു ലഭിക്കും. ഫോണ്: 0471-2543441.
പ്രതികരിക്കാൻ ഇവിടെ എഴുതുക: