വെള്ളമുണ്ട: എടച്ചന കുങ്കന്റെ 212ാമത് സ്മൃതിദിനം ശനിയാഴ്ച. വീരപഴശ്ശി സ്മാരക സമിതി യുടെ നേതൃത്വത്തില് വിപുലമായി ആചരിക്കും. നാളെ രാവിലെ പത്ത് മണിക്ക് പുളിഞ്ഞാല് കോട്ടമൈതാനിയിലെ എടച്ചന കുങ്കന് സ്മൃതികുടീരത്തില് പുഷ്പാര്ച്ചന നടത്തും. പുഷ്പാര്ച്ചനയില് സാമൂഹ്യ-സാംസ്കാരിക-രാഷ്ട്രീയ മേഖലകളിലെ നിരവധിപേര് പങ്കെടുക്കും. ഉച്ചകഴിഞ്ഞ് മൂന്ന് മണിക്ക് വെള്ളമുണ്ട പബ്ലിക് ലൈബ്രറിയില് എടച്ചന കുങ്കന് അനുസ്മരണ ചരിത്ര സെമിനാര് നടത്തും. സെമിനാര് വെള്ളമുണ്ട ഗ്രാമപഞ്ചായത്ത് പ്രസിഡണ്ട് പി തങ്കമണി ഉദ്ഘാടനം ചെയ്യും. വൈസ് പ്രസിഡണ്ട് ആന്ഡ്രൂസ് ജോസഫ് മുഖ്യാതിഥിയായി പങ്കെടുക്കും. ചരിത്രഗവേഷണ വിദ്യാര്ത്ഥിയായ വി.കെ.സന്തോഷ്കുമാര് വിഷയാവതരണം നടത്തും. പള്ളിയറരാമന്, വി.മധു, കെ ജി സതീശന്നായര്, കെ ടി സുകുമാരന്, എ വി.രാജേന്ദ്രപ്രസാദ്, വ ബാലന് എന്നിവര് സംസാരിക്കും. ചടങ്ങില് കരുണാകരന് ചെറുകരയെ ആദരിക്കും.
എടച്ചന കുങ്കന് അദ്ദേഹം വീരമൃത്യു വരിച്ച പുളിഞ്ഞാല് കോട്ടമൈതാനിയില് ഉചിതമായ സ്മാരകം നിര്മ്മിക്കണമെന്ന് വീരപഴശ്ശി സ്മാരകസമിതി ആവശ്യപ്പെട്ടു. യോഗത്തില് കെ.ടി.സുകുമാരന് അധ്യക്ഷത വഹിച്ചു. വി. കെ.സുരേന്ദ്രന്, ഹരിദാസ്,വി.ബാബു ,സുരേഷ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: