കണ്ണൂര്: നിഫ്റ്റ് ക്രാഫ്റ്റ് ബസാര് ഇന്ന് നോര്ത്ത് മലബാര് ചേമ്പര് ഓഫ് കൊമേഴ്സ് ഹാളില് ആരംഭിക്കും. രണ്ടു ദിവസം നീണ്ടു നില്ക്കുന്ന ക്രാഫ്റ്റ് ബസാറിന്റെ ഉദ്ഘാടനം രാവിലെ പത്തിന് ജില്ലാ വ്യവസായ കേന്ദ്രം ജനറല് മാനേജര് കെ.ടി.അബ്ദുള് മജീദ് നിര്വഹിക്കുമെന്ന് ജോയിന്റ് ഡയറക്ടര് ജി.രമേഷ്ബാബു വാര്ത്താസമ്മേളനത്തില് പറഞ്ഞു. പഠനത്തിന്റെ ഭാഗമായി വിദ്യാര്ഥികള് തയ്യാറാക്കിയ കൈത്തറി കരകൗശലവസ്തുക്കളാണ് ക്രാഫ്റ്റ് ബസാറില് പ്രദര്ശനത്തിനും വില്പനയ്ക്കുമായി എത്തിക്കുന്നത്.
പഠനത്തിന്റെ ഭാഗമായി മൊറാഴ വിവേഴ്സ്, കാഞ്ഞിരോട് വീവേഴ്സ്, ബനാന ഫൈബര് ക്രാഫ്റ്റ്, ഉറവ് ബാംബൂ ക്രാഫ്റ്റ്, കൂത്തുപറമ്പ വീവേഴ്സ്, പറവൂര് വീവേഴ്സ്, ചിറ്റൂര് വീവേഴ്സ് എന്നിവിടങ്ങളില് വിദ്യാര്ഥികള് സന്ദര്ശിച്ചിട്ടുണ്ട്. ഇവിടെയുള്ള തൊഴിലാളികള്ക്ക് ഉത്പന്നങ്ങള്ക്ക് മെച്ചപ്പെട്ട വില ലഭിക്കുന്നതിന് ആവശ്യമായ മാര്ഗനിര്ദേശങ്ങളും നല്കി. അതോടൊപ്പം പുതിയ ഡിസൈനുകള്, വെബ്സൈറ്റ്, ഓണ്ലൈന്ഷോപിങ്ങ് എന്നിവയും പരിചയപ്പെടുത്തി. വിദ്യാര്ഥികള് തന്നെ ഡിസൈന് ചെയ്ത വസ്ത്രങ്ങളും കരകൗശലവസ്തുക്കളും എല്ലാം ക്രാഫ്റ്റ്ബസാറില് വില്പനയ്ക്ക് ഉണ്ടാവും. ഇതോടൊപ്പം ഈ ഏഴ് സ്ഥാപനങ്ങളുടെ സ്റ്റാളുകളും ഉണ്ടാകും. വാര്ത്താസമ്മേളനത്തില് അസിസ്റ്റന്റ് പ്രൊഫസര് അഭിലാഷ് ബാലനും പങ്കെടുത്തു.
പ്രതികരിക്കാൻ ഇവിടെ എഴുതുക: