കൊല്ലം: കശുവണ്ടിമേഖലയിലെ പ്രശ്നങ്ങള് പരിഹരിക്കാന് കശുമാവ്കൃഷി വ്യാപകമാക്കണമെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന്. കൊല്ലത്ത് കാഷ്യു ഫെസ്റ്റില് സംസാരിക്കുകയായിരുന്നു അദ്ദേഹം.
കശുവണ്ടി മേഖലയിലെ പ്രശ്നങ്ങള് ഉടന് ഉണ്ടായതല്ല. വിവിധങ്ങളായ പ്രശ്നങ്ങ ളാണ് നേരിടുന്നത്. ഇത് പരിഹരിക്കാന് സമഗ്രമായ കര്മപദ്ധതികളാണ് വേണ്ടത്. സംസ്ഥാനത്തിന്റെ സാമ്പത്തികമേഖല പിടിച്ചു നിര്ത്തിയത് പരമ്പരാഗത വ്യവസായങ്ങളാണ്. എന്നാല് ഇവയെ സംരക്ഷിക്കാന് യാതൊരു പദ്ധതിയുമില്ല. സാമ്പത്തിക രംഗത്ത് കുതിപ്പുണ്ടാകണമെങ്കില് പരമ്പരാഗതവ്യവസായങ്ങളെ പുനരുജ്ജീവിപ്പിക്കണം. കശുവണ്ടിമേഖലയെ സംരക്ഷിക്കാന് കശുമാവ് കൃഷി വ്യാപിപ്പിക്കണം. ഇതിലൂടെ ഉല്പാദനം വര്ധിപ്പിക്കാന് സാധിക്കും. ദേശീയപാതയോരങ്ങളില് തണല്മരങ്ങളായി കശുമാവ് വച്ചുപിടിപ്പിക്കണം. വനവാസി മേഖലയില് കശുമാവ്കൃഷി വര്ധിപ്പിക്കണം. ആവശ്യമായ സഹായങ്ങള് നല്കി കര്ഷകരെ പ്രോത്സാഹിപ്പിക്കണം.
കശുവണ്ടി വ്യവസായത്തെ സംരക്ഷിക്കാനുള്ള നിര്ദേശങ്ങളോട് അനുഭാവപൂര്വ മായ നിലപാടുകളാണ് കേന്ദ്രസര്ക്കാര് സ്വീകരിക്കുന്നത്. ഇറക്കുമതി തീരുവ റദ്ദുചെയ്യാനുള്ള നടപടികള് കേന്ദ്ര സര്ക്കാര് സ്വീകരിച്ചു. എല്ലാവിധ സഹായങ്ങളും നല്കാമെന്ന് കേന്ദ്ര മന്ത്രിമാര് ഉറപ്പു നല്കിയിട്ടുണ്ട്.
സംസ്ഥാനത്ത് കടക്കെണിമൂലം നിരവധി ഫാക്ടറികളാണ് പൂട്ടിയത്. വ്യവസായികളെ ആത്മഹത്യയിലേക്ക് നയിക്കുന്നു. വ്യവസായികളെ സംരക്ഷിക്കാന് സംസ്ഥാന സര്ക്കാര് ആശ്വാസ നടപടികള് സ്വീകരിക്കണം. സാമ്പത്തിക സഹായം നല്കി കശുവണ്ടി വ്യവസായം പുനരുജ്ജീവിപ്പിക്കണമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: