പയ്യന്നൂര്: മുക്കം സ്വദേശിയായ യുവാവിനെ പരിയാരത്തെ വീട്ടുവരാന്തയില് മരിച്ച നിലയില് കണ്ടെത്തിയ സംഭവത്തില് പോലീസ് അന്വേഷണം ഊര്ജ്ജിതമാക്കി. പരിയാരം ഔഷധിക്ക് സമീപത്തെ പരിചയക്കാരിയായ യുവതിയുടെ വീട്ടുവരാന്തയില് മുക്കം കുമാരനെല്ലൂരിലെ മാന്ത്ര നാരായണന്റെ മകന് എം.നിധീഷ് (26)നെയാണ് കഴിഞ്ഞ ദിവസം മരിച്ച നിലയില് കണ്ടെത്തിയത്. സോഡിയം സൈനേഡ് എന്ന വിഷം കഴിച്ചാണ് മരിച്ചത്. സമീപത്തുനിന്നും വിഷത്തിന്റെ ബാക്കി പോലീസ് കണ്ടെത്തിയിരുന്നു.
വയനാട് കാട്ടിക്കുളത്ത് ആദിവാസി വൈദ്യന്റെ ചികിത്സക്കായി ഏഴ് മാസത്തോളം വാടക ക്വാര്ട്ടേഴ്സില് അടുത്തടുത്ത് താമസിച്ച് പരിചയപ്പെട്ടവരാണ് ഇരുവരും. ടൂറിസ്റ്റ് ബസ് ഡ്രൈവറാണ് മരിച്ച നിധീഷ്. വെള്ളിയാഴ്ച ഉച്ചയോടെയാണ് ഇയാളെ മരിച്ച നിലയില് കണ്ടെത്തിയത്.
ബന്ധുക്കളെത്തി പോസ്റ്റ് മോര്ട്ടത്തിന് ശേഷം മൃതദേഹം സ്വദേശത്തേക്ക് കൊണ്ടുപോയി. യുവിനെ മരിച്ച നിലയില് കണ്ടെത്തിയ വീട്ടിലെ താമസക്കാരെയും പരിചയക്കാരിയായ യുവതിയെയും പോലീസ് ചോദ്യംചെയ്ത് വരികയാണ്.
സംഭവം നടക്കുമ്പോള് വീട്ടില് ആരും ഉണ്ടായിരുന്നില്ല. സംഭവത്തില് ദുരൂഹതയുണ്ടെന്ന ബന്ധുക്കളുടെ പരാതിയുടെ അടിസ്ഥാനത്തിലാണ് പോലീസ് അന്വേഷണം ഊര്ജ്ജിതമാക്കിയത്.
പ്രതികരിക്കാൻ ഇവിടെ എഴുതുക: