ന്യൂദല്ഹി: ദക്ഷിണാഫ്രിക്കയില് ഇത്തവണ ഇന്ത്യക്ക് വിജയസാധ്യതയുണ്ടെന്ന് ഇന്ത്യന് വിക്കറ്റ് കീപ്പര് വൃദ്ധിമാന് സാഹ. രണ്ട് മൂന്ന് വര്ഷമായി ഇന്ത്യ മികച്ച പ്രകടനം കാഴ്ചവെച്ചുവരുകയാണ്്. ഈ മികവ് ആവര്ത്തിച്ചാല് ദക്ഷിണാഫ്രിക്കയിലും വിജയമൊരുങ്ങുമെന്ന് സാഹ പറഞ്ഞു.
ശ്രീലങ്കക്കെതിരെ കൊല്ക്കത്തയില് അരങ്ങേറിയ ആദ്യ ടെസ്റ്റ് ടീമിന് ഒത്തിണങ്ങാന് സഹായകമായി. ദക്ഷിണാഫ്രക്കിയിലേത് ബൗണ്സുള്ള പിച്ചുകളാണ്. അവിടെ പരിശീലനം തുടങ്ങുമ്പോള് സാഹചര്യങ്ങളുമായി പൊരുത്തപ്പെടാനാകുമെന്ന് സാഹ പറഞ്ഞു.
ദക്ഷിണാഫ്രിക്കയില് പരിശീലന മത്സരം വേണ്ടെന്നവച്ച ടീം മാനേജ്മെന്റിന്റെ തീരുമാനം സാഹ ശരിവച്ചു. ആദ്യ ടെസ്റ്റിന് മുമ്പ് ദിദ്വിന പിരീശിലന മത്സരം കളിക്കാന് തീരുമാനിച്ചിരുന്നെങ്കിലും ഇന്ത്യയുടെ അഭ്യര്ഥന മാനിച്ച് ഇത് ഒഴിവാക്കി.
ദിദ്വിന മത്സരത്തില് ഇരു ടീമുകള്ക്കും ഓരോ ദിവസം ബാറ്റ് ചെയ്യാന് ലഭിച്ചേക്കും. എന്നാല് എല്ലാ വര്ക്കും ബാറ്റിങ്ങിന് അവസരം ലഭിച്ചെന്നുവരില്ല. പരിശീലന മത്സരം ഒഴിവാക്കിയതിനാല് എല്ലാ കളിക്കാര്ക്കും പരിശീലനത്തിനായി ഏറെ സമയം ലഭിക്കുമെന്ന് സാഹ പറഞ്ഞു.
മൂന്ന് മത്സരങ്ങള്ക്കുള്ള ടെസ്റ്റ് പരമ്പരക്കായി ഇന്ത്യന് ടീം ഈ മാസം 27 ന് ദക്ഷിണാഫ്രിക്കയിലേക്ക് യാത്രതിരിക്കും. ഇന്ത്യന് സീനിയര് ടീമിനൊപ്പം സാഹയുടെ ആദ്യ ദക്ഷിണാഫ്രിക്കന് പര്യടനമാണിത്. നേരത്തെ ഇന്ത്യ എ ടീമിനായി ദക്ഷിണാഫ്രിക്കയില് കളിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: