കൊടുങ്ങൂര്: കൊടുങ്ങൂര് തിരുവല്ല മെഡിക്കല് മിഷന് ഹോസ്പിറ്റലിന് സമീപം ടോറസ് ലോറി ഇടിച്ച് രണ്ട് കാറുകള് തകര്ന്നു. ഇന്നലെ ഉച്ചക്ക് രണ്ട് മണിയോടെയാണ് അപകടം. ലോറി പൊന്കുന്നത്തു നിന്ന് കൊടുങ്ങൂര് ഭാഗത്തേക്കും കാറുകള് പൊന്കുന്നം ഭാഗത്തേക്കും പോകുന്നതിനിടയിലാണ് അപകടമുണ്ടായത്. ടോറസിന്റെ ഇടിയേറ്റ കാര് പുറകില് വന്ന കാറില് ഇടിക്കുകയായിരുന്നു. മുന്നിലുണ്ടായിരുന്ന കാറിലെ പൂഞ്ഞാര് പെരിങ്ങുളം സ്വദേശികളായ ചെല്ലമ്മ (75), സുശീലകുമാരി (65), പ്രമോദ് (45) എന്നിവര്ക്ക് പരിക്കേറ്റു. ഇവരെ കാരിത്താസ് അശുപത്രിയില് പ്രവേശിപ്പിച്ചു. സ്ത്രീകള്ക്ക് തലക്കാണ് പരിക്കേറ്റത്. ടോറസ് ലോറി അമിത വേഗതയില് ആയിരുന്നെന്ന് നാട്ടുകാര് പറഞ്ഞു.
പ്രതികരിക്കാൻ ഇവിടെ എഴുതുക: