സിഡ്നി: സിഡ്നിയില് നിന്ന് ക്വാലാലംപുരിലേക്ക് പുറപ്പെട്ട മലേഷ്യന് എയര്ലൈന്സിന്റെ വിമാനം യന്ത്രത്തകരാറിനെ തുടര്ന്ന് അടിയന്തരമായി നിലത്തിറക്കി. വിമാനത്തിന് കുലുക്കം ഉണ്ടെന്ന സൂചനകള് ലഭിച്ചതോടെയാണ് നിലത്തിറക്കിയത്. സെന്ട്രല് ഓസ്ട്രേലിയയിലെ ആലിസ് സ്പ്രീംഗ് വിമാനത്താവളത്തിലാണ് വിമാനം ഇറക്കിയത്.
സാങ്കേതിക തകരാറിനെ തുടര്ന്നാണ് വിമാനം അടിയന്തരമായി നിലത്തിറക്കിയതെന്ന് മലേഷ്യ എയര്ലൈന്സ് അധികൃതര് പറഞ്ഞു. ഇക്കാര്യത്തില് കൂടുതല് വിശദീകരണം നല്കാന് അധികൃതര് തയാറായില്ല.
224 യാത്രക്കാരാണ് വിമാനത്തില് ഉണ്ടായിരുന്നത്. വിമാനത്തിന് കുലുക്കം ഉണ്ടായിരുന്നെന്ന് യാത്രക്കാര് പറഞ്ഞു.
പ്രതികരിക്കാൻ ഇവിടെ എഴുതുക: