ചങ്ങനാശ്ശേരി: തുരുത്തി-പുന്നമ്മൂട് ജങ്്ഷനില് ആല്മരച്ചുവട്ടില് സ്ഥാപിച്ചിരിക്കുന്ന ഫ്ളക്സ് ബോര്ഡുകള് ദിശമറച്ച് അപകടങ്ങള് വരുത്തുന്നതായി പരാതി. മുളയ്ക്കാംതുരുത്തി ഭാഗത്തുനിന്നും വരുന്ന വാഹനങ്ങള് എംസി റോഡിലേക്ക് തിരിയുമ്പോള് ഫ്ളക്സ് ബോര്ഡുകള് മൂലം ഡ്രൈവര്മാരുടെ കാഴ്ചമറയുകയും അമിതവേഗതയില് എംസി റോഡിലൂടെ വരുന്ന വാഹനങ്ങള്ക്കും കാല്നടയാത്രക്കാര്ക്കും അപകടം സംഭവിക്കുന്നതും പതിവാണ്. ആല്മരച്ചുവട്ടില് ഓരോ ദിവസം ചെല്ലുംതോറും ഫ്ളക്സ് ബോര്ഡുകളുടെ എണ്ണം കൂടിക്കൂടി വരികയാണ്. ആല്മരച്ചുവട്ടിലെ റൗണ്ടാനയുടെ വലിപ്പം കുറച്ചും ഫ്ളക്സ് ബോര്ഡുകള് നിരോധിച്ചും വാഹനയാത്രക്കാര്ക്കും കാല്നടയാത്രക്കാര്ക്കും ഉണ്ടാകുന്ന ബുദ്ധിമുട്ടുകള് പരിഹരിക്കുവാന് അധികൃതര് നടപടി സ്വീകരിക്കണമെന്ന് എന്സിപി വാഴപ്പള്ളി മണ്ഡലം കമ്മറ്റി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: