ഭോപ്പാല്: മധ്യപ്രദേശില് കോണ്ഗ്രസിന് മുഖ്യമന്ത്രി സ്ഥാനാര്ഥിയെ ഉയര്ത്തിക്കാട്ടേണ്ട കാര്യമൊന്നുമില്ലെന്ന് കോണ്ഗ്രസ് നേതാവും മാധവറാവു സിന്ധ്യയുടെ മകനുമായ ജ്യോതിരാദിത്യ സിന്ധ്യ. അടുത്ത മുഖ്യമന്ത്രി ജ്യോതിരാദിത്യയായിരിക്കുമോയെന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. കഴിഞ്ഞ 16 വര്ഷമായി ഞാന് ഒരു ജനസേവകനാണ്. അദ്ദേഹം ഒരഭിമുഖത്തില് പറഞ്ഞു. അഭിമുഖത്തില് നിന്ന്:
? നിങ്ങളുടെ പാര്ട്ടി ഒരു മുഖ്യമന്ത്രി സ്ഥാനാര്ഥിയെ ഉയര്ത്തിക്കാട്ടാത്തതെന്തുകൊണ്ട്
= അതിന്റെ ആവശ്യമില്ല. ഈ സര്ക്കാരിനെ ഒഴിവാക്കുകയെന്നതാണ് പ്രധാന ആവശ്യം. ബിജെപി യുപിയിലും ബീഹാറിലും മുഖ്യമന്ത്രി സ്ഥാനാര്ഥിയെ ഉയര്ത്തിക്കാട്ടിയിരുന്നില്ല. ഞങ്ങളുടേത് ജനാഭിമുഖ്യമുള്ള പാര്ട്ടിയാണ്. അവിടെ ഒരു മുഖം ഉയര്ത്തിക്കാണിക്കണമെന്നില്ല.
? പക്ഷെ നിങ്ങളുടെ പാര്ട്ടിയില് ചേരിപ്പേരാണല്ലോ ദ്വിഗ്വിജയ് സിങ്ങും ജ്യോതിരാദിത്യയും കമല്നാഥും തമ്മില്..
= പത്രക്കാരാണ് അങ്ങനെ പറയുന്നത്. മുന്പ് അങ്ങനെയുണ്ടായിരുന്നു, അതു ശരിയാണ്. പക്ഷെ ഇപ്പോള് ഞങ്ങള് ഒന്നിച്ചാണ്. സംയുക്ത മുന്നണിയുണ്ടാക്കാനുള്ള ശ്രമത്തിലുമാണ് ഞങ്ങള്. മധ്യപ്രദേശില് കോണ്ഗ്രസ് ഒറ്റക്കെട്ടാണ്.
? പക്ഷെ പാര്ട്ടി ടിക്കറ്റിനെച്ചൊല്ലി നിങ്ങളും ദ്വിഗ്വിജയും തമ്മില് പൊതുസ്ഥലത്ത് വഴക്കുണ്ടായല്ലോ
= അതേപ്പറ്റി ഒരുപാട് പറഞ്ഞു. അത്തരം കാര്യങ്ങള് ഒരിക്കലും സംഭവിച്ചിട്ടില്ല. അത് കള്ള വാര്ത്തയാണ്. ഞാനും ദ്വിഗ്വിജയും തമ്മില് മോശമായ ഒരു വാക്കു പോലും പറഞ്ഞിട്ടില്ല. ശരിയാണ്. ഞങ്ങള്ക്ക് അഭിപ്രായ വ്യത്യാസമുണ്ട്. എല്ലാവര്ക്കും വ്യത്യസ്ഥമായ അഭിപ്രായങ്ങളുണ്ടല്ലോ. ഭിന്നതകള് ആരോഗ്യകരമാണ്. എന്നാല് പരസ്യമായ വാക്ക് തര്ക്കം ഉണ്ടായിട്ടില്ല.
? കഴിഞ്ഞ 15 വര്ഷമായി മധ്യപ്രദേശ് ബിജെപിയുടെ കോട്ടയാണ്. അതില് ആശങ്കയില്ലേ
= മധ്യപ്രദേശ് ബിജെപി കോട്ടയല്ല. മധ്യപ്രദേശിലെ ജനങ്ങള് അതിഷ്ടപ്പെടുന്നില്ല.
? രാജസ്ഥാനില് സച്ചിന് പൈലറ്റ് ചെയ്തപോലെ നിങ്ങള് മധ്യപ്രദേശില് അഞ്ചു വര്ഷം പ്രവര്ത്തിക്കാത്തതില് ഖേദമില്ലേ
= പാര്ട്ടിയെടുക്കുന്ന എന്തു തീരുമാനവും അംഗീകരിക്കും. അരുണ് യാദവിനെ പിസിസി അധ്യക്ഷനാക്കിയത് പാര്ട്ടിയാണ്. പിന്നെ കമല്നാഥിനെയാക്കി. അത് ഒരു പ്രശ്നമല്ല.
? മൃദുഹിന്ദുത്വം ഗുണം ചെയ്യുമോ
= മൃദുഹിന്ദുത്വം കടുത്ത ഹിന്ദുത്വം എന്നിങ്ങനെയില്ല. എന്റെ മതം ഹിന്ദൂയിസം മതമല്ല തത്ത്വചിന്തയാണ്. ബിജെപിക്ക് ഹിന്ദുത്വവുമായി ഒരു ബന്ധവുമില്ല.
? പാര്ട്ടിക്ക് സംഘനാപരമായി ശക്തിയില്ലല്ലോ
= അത് ശരിയല്ല. സംഘടനാ ശേഷിയുണ്ട്. ബിജെപിയുടേത് പണശക്തിയാണ്.
? മോദി ഘടകത്തില് ആശങ്കയില്ലേ. അദ്ദേഹം അവസാനമാണ് എത്തുക, അതോടെ തെരഞ്ഞെടുപ്പ് മാറിമറിയും
= ബിജെപി എന്തുവേണമെങ്കിലും ചെയ്യട്ടെ. ഞങ്ങള് ഞങ്ങളുടെ നിലയ്ക്ക് മുന്നേറും. ഇപ്പോഴേ ശക്തമായ പ്രചാരണം വേണമെന്നില്ല.
പ്രതികരിക്കാൻ ഇവിടെ എഴുതുക: