നിങ്ങൾ തിരഞ്ഞത് സ്വന്തം ലേഖിക ഏകദേശം 63 ഫലങ്ങൾ, 0.03 സെക്കൻഡ്
വിവാദങ്ങള്‍ക്കിടെ സിഐടിയു പരിപാടിയില്‍ പി.കെ. ശശി

പാലക്കാട്: ലൈംഗികാരോപണവിധേയനായ പി.കെ.ശശി എംഎല്‍എ വിവാദങ്ങള്‍ക്കിടയിലും പാര്‍ട്ടി പരിപാടിയില്‍. ഇന്നലെ മലമ്പുഴയില്‍ നടന്ന സിഐടിയു ജില്ലാ ശില്‍പശാലയില്‍ അധ്യക്ഷനായിരുന്നു. പാര്‍ട്ടി പരിപാടികളിലും പൊതുപരിപാടികളില്‍ നിന്നും ശശി വിട്ടുനില്‍ക്കണമെന്ന സിപിഎം സംസ്ഥാന നേതൃത്വത്തിന്റെ നിര്‍ദേശം നില്‍ക്കെയാണിത്. ഇതോടെ പാര്‍ട്ടി നിര്‍ദേശം  ജനങ്ങളുടെ കണ്ണില്‍പൊടിയിടാനാണെന്ന്  വ്യക്തം.  ശശിക്കെതിരെ നടപടി വൈകുന്നതില്‍ പ്രവര്‍ത്തകര്‍ക്കിടയില്‍ അമര്‍ഷം പുകയുമ്പോഴാണ് സിഐടിയു ജില്ലാപ്രസിഡന്റ് കൂടിയായ ശശി ഇന്നലെ പരിപാടിയില്‍ പങ്കെടുത്തത്. മുന്‍ എംപി എന്‍.എന്‍. കൃഷ്ണദാസ്, നേതാക്കളായ എം.ഹംസ, കെ.കെ.ദിവാകരന്‍, എസ്.ബി.രാജു എന്നിവരും ശശിയോടൊപ്പം വേദി പങ്കിട്ടിരുന്നു.  നടപടിയെടുക്കുന്നതിന് പകരം ശശിക്കെതിരെ ഗൂഢാലോചന നടന്നെന്ന ആരോപണം അന്വേഷിക്കുന്ന തിരക്കിലാണ് പാര്‍ട്ടി നിയോഗിച്ച  രണ്ടംഗ കമ്മീഷന്‍. ശശിക്കെതിരെ പരാതി നല്‍കി രണ്ടുമാസം പിന്നിട്ടിട്ടും ഇതുവരെ നടപടിയുണ്ടാവാത്തതില്‍ അതൃപ്തിയിലാണ് പെണ്‍കുട്ടിയുടെ കുടുംബം. കഴിഞ്ഞദിവസം നടന്ന സംസ്ഥാന സമിതിയിലും വിഷയം ചര്‍ച്ചചെയ്തിരുന്നില്ല. ആഗസ്ത് 14നാണ് ഡിവൈഎഫ്‌ഐ ജില്ലാക്കമ്മറ്റിയംഗം കൂടിയായ വ���ിതാനേതാവ് പരാതി നല്‍കിയത്. സംഭവം വിവാദമായതോടെ മന്ത്രി എ.കെ. ബാലനെയും പി.കെ. ശ്രീമതിയെയും പാര്‍ട്ടി അന്വേഷണ കമ്മീഷനായി നിയോഗിച്ചു. പരാതിക്കാരിയില്‍ നിന്നും ശശിയില്‍ നിന്നും ആദ്യം മൊഴിയെടുത്തിരുന്നു.  തുടര്‍ന്ന് ഡിവൈഎഫ്‌ഐ നേതാക്കള്‍ ഉള്‍പ്പെടെ എട്ടുപേരുടെ മൊഴിരേഖപ്പെടുത്തി.ഇതില്‍ രണ്ടുപേര്‍മാത്രമാണ് പരാതിക്കാരിയെ പിന്തുണച്ചത്.  ശശിക്കെതിരെ ഗൂഢാലോചന നടന്നുവെന്ന് ബാക്കി ആറുപേരും മൊഴി നല്‍കി. ശശിക്കെതിരെ നടന്നത് ഗൂഢാലോചനയാണെന്ന് വരുത്താന്‍ മറ്റുചില പ്രവര്‍ത്തകരില്‍ നിന്നും മൊഴിയെടുത്തിരുന്നു.  ഡിവൈഎഫ്‌ഐ ജില്ലാ സെക്രട്ടറി പരാതിക്കാരിക്ക് ഒരുകോടി രൂപ വാഗ്ദാനം ചെയ്തതും, ശശിക്ക് അനുകൂലമായി മൊഴിനല്‍കിയാല്‍ 14 ലക്ഷം രൂപ നല്‍കാമെന്ന് ലോക്കല്‍ സെക്രട്ടറിക്ക് വാഗ്ദാനം നല്‍കിയതും വിവാദമായിരുന്നു. പാര്‍ട്ടിയില്‍ നിന്നും നടപടിയുണ്ടാവാത്തപക്ഷം മാധ്യമങ്ങള്‍ക്ക് മുന്നില്‍ വരാനും നിയമപരമായ പോരാട്ടത്തിനും തയ്യാറെടുക്കുകയാണ് പരാതിക്കാരിയും കുടുംബവും. സ്വന്തം ലേഖിക

//www.janmabhumidaily.com/news838105

പ്രക്ഷോഭത്തിന് പുതിയ മുഖം; ഹൈന്ദവ സംഘടനകൾ നാളെ മുതൽ വൻ പ്രക്ഷോഭത്തിന്

…‍ക്കാന്‍ തന്ത്രി കുടുബവും പന്തളം രാജകുടുംബവും തയാറായില്ല എന്ന ഒറ്റക്കാരണത്താല്‍ അവരെ അപമാനിക്കാനാണ് മുഖ്യമന്ത്രി ശ്രമിച്ചത്. സ്വന്തം ലേഖിക

//www.janmabhumidaily.com/news837037

എട്ടുകോടിയുടെ ഹാഷിഷ് ഓയിലുമായി കന്യാകുമാരി സ്വദേശിനി പിടിയില്‍

പാലക്കാട്: എട്ടുകോടി വിലമതിക്കുന്ന രണ്ടുകിലോ ഹാഷിഷ് ഓയിലുമായി കന്യാകുമാരി സ്വദേശിനി ഒലവക്കോട് പിടിയില്‍. കന്യാകുമാരി അല്‍വാര്‍കോവില്‍ സ്വദേശിനി സിന്ധുജ(21)യാണ് പിടിയിലായത്. രഹസ്യവിവരത്തെ തുടര്‍ന്ന് ഇന്നലെ രാവിലെ ഒമ്പതുമണിയോടെ ഒലവക്കോട് റെയില്‍വേ സ്‌റ്റേഷനില്‍ എക്‌സൈസ് ഇന്റലിജന്‍സ് ബ്യൂറോയും സ്‌പെഷ്യല്‍ സ്‌ക്വാഡും നടത്തിയ പരിശോധനയിലാണ് ബാഗില്‍ രണ്ടു പ്ലാസ്റ്റിക് സഞ്ചികളിലാക്കി സൂക്ഷിച്ച ഹാഷിഷ് ഓയിലുമായി യുവതിയെ പിടികൂടിയത്.  കേരളത്തില്‍ നിന്നും ഒമാനിലേക്ക് കടത്താനായി ആന്ധ്രാപ്രദേശിലെ വിശാഖപട്ടണത്തു നിന്നും തൃശൂരിലേക്ക് കൊണ്ടുവരികയായിരുന്നു. തൃശൂര്‍ ചാവക്കാട് സ്വദേശി ജാബിറിനു വേണ്ടിയാണ് ഹാഷിഷ് ഓയില്‍ കൊണ്ടുവന്നതെന്നും ഒരുലക്ഷം രൂപയാണ് പ്രതിഫലമെന്നും യുവതി മൊഴി നല്‍കിയിട്ടുണ്ട്. പതിനേഴാം തവണയാണ് യുവതി ഹാഷിഷ് കടത്തുന്നത്. ഏറ്റവും ശുദ്ധമായ നിലയിലുള്ള ഹാഷിഷാണ് പിടികൂടിയത്.  എഴുപത് കിലോ കഞ്ചാവ് വാറ്റിയാണ് രണ്ട് കിലോ ഹാഷിഷ് ഉണ്ടാക്കുന്നത്. എറണാകുളത്ത് നടക്കുന്ന ഡിജെ പാര്‍ട്ടികളില്‍ വ്യാപകമായി ഹാഷിഷ് ഉപയോഗിക്കുന്നുണ്ടെന്ന് വിവരം ലഭിച്ചതായി എക്‌സൈസ് ഇന്‍സ്‌പെക്ടര്‍ ടി.രാജീവ്  പറഞ്ഞു. എക്‌സൈസ് ഇന്‍സ്‌പെക്ടര്‍മാരായ എം. രാകേഷ്, ടി. രാജീവ്. പ്രിവന്റീവ് ഓഫീസര്‍മാരായ യൂനസ്, മനോജ്, മന്‍സൂര്‍, സജിത്ത്, വിപിന്‍ദാസ്, രാജേഷ്‌കുമാര്‍, സന്തോഷ്‌കുമാര്‍, ജയചന്ദ്രന്‍, സജീവ്, പ്രസാദ്, മറ്റുദ്യോഗസ്ഥരായ അജിത്ത്കുമാര്‍, അംബിക, സ്മിത, പ്രസാദ്, പ്രീജു, രതീഷ്, അരുണ്‍കുമാര്‍, വിനു, ശ്രീകുമാര്‍, ശെല്‍വകുമാര്‍ എന്നിവരുടെ നേതൃത്വത്തിലാണ് ഹാഷിഷ് പിടികൂടിയത്. സ്വന്തം ലേഖിക

//www.janmabhumidaily.com/news837009

സംസ്ഥാനം തഴഞ്ഞു; റെയില്‍വെ പി.യു. ചിത്രയ്ക്ക് ജോലി നല്‍കി

പാലക്കാട്: ഏറെ നാളത്തെ കാത്തിരിപ്പിന് വിരാമമിട്ട് പി.യു. ചിത്ര ജോലിയില്‍ പ്രവേശിച്ചു. സംസ്ഥാന സര്‍ക്കാരിന്റെ കനിവ് കാത്തിരുന്ന ചിത്രയ് ക്ക് ജോലി നല്‍കിയത് റെയില്‍വെ മന്ത്രാലയം. ദക്ഷിണ റെയില്‍വെ പാലക്കാട് ഡിവിഷനില്‍ സീനിയര്‍ ക്ലര്‍ക്കായാണ് നിയമനം.  ജോലി ലഭിച്ചതില്‍ വളരെ സന്തോഷമുണ്ടെന്നും ഏറെ നാളത്തെ ആഗ്രഹം സഫലമായെന്നും  നിയമന ഉത്തരവ് കൈപ്പറ്റിയ ശേഷം ചിത്ര ജന്മഭൂമിയോട് പറഞ്ഞു. സംസ്ഥാന സര്‍ക്കാര്‍ ജോലി നല്‍കുമെന്ന് പ്രതീക്ഷിച്ചിരുന്നു. ഒരുവര്‍ഷത്തിലധികമായി കാത്തിരുന്നു. പലതവണ അപേക്ഷനല്‍കിയിട്ടും ജോലി ലഭിച്ചില്ലെന്നും ചിത്ര പറഞ്ഞു.  കഴിഞ്ഞവര്‍ഷം ഏഷ്യന്‍ അത്ലറ്റിക് ചാമ്പ്യന്‍ഷിപ്പില്‍ സ്വര്‍ണം നേടിയെത്തിയ ചിത്രക്ക് ജോലി നല്‍കുമെന്ന് സംസ്ഥാന സര്‍ക്കാര്‍ പ്രഖ്യാപിച്ചിരുന്നു.ലോക അത്ലറ്റിക് ചാമ്പ്യന്‍ഷിപ്പിനുള്ള സംഘത്തില്‍ നിന്നും ചിത്രയെ ഒഴിവാക്കിയത് വിവാദമായിരുന്നു. ഇതേ തുടര്‍ന്ന് ചിത്രക്ക് ജോലി നല്‍കി സംരക്ഷിക്കുമെന്ന് സംസ്ഥാന സര്‍ക്കാര്‍ പറഞ്ഞെങ്കിലും അതും മറന്നു.  ഏഷ്യന്‍ ഗെയിംസില്‍ വെങ്കലമെഡല്‍ നേടിയെത്തിയ ചിത്രയെ കാത്തിരുന്നത് റെയില്‍വെ ജോലിയായിരുന്നു. ഇന്നലെ ഉച്ചയോടെ ഒലവക്കോട് റെയില്‍വെ ഡിവിഷനല്‍ ഓഫീസിലെത്തിയ പി.യു. ചിത്ര ഡിആര്‍എം പ്രതാപ് സിങ് ഷമയില്‍ നിന്നും നിയമനോത്തരവ് കൈപ്പറ്റി. കോച്ച് സിജിനും കൂടുംബാംഗങ്ങള്‍ക്കുമൊപ്പമായിരുന്നു ചിത്രയെത്തിയത്. ഇന്ന് ഭുവനേശ്വരില്‍ ആരംഭിക്കുന്ന ദേശീയ ഓപ്പണ്‍ അത്ലറ്റിക്സില്‍ റെയില്‍വേക്കായി മത്സരിക്കും. സ്വന്തം ലേഖിക

//www.janmabhumidaily.com/news835555

ശശിയുടെ പരിപാടികൾ റദ്ദാക്കി; ഏരിയാ കമ്മിറ്റി വീണ്ടും മാറ്റി

പാലക്കാട്: സിപിഎം നേതാവും ഷൊര്‍ണൂര്‍ എംഎല്‍എയുമായ  പി.കെ. ശശി പാര്‍ട്ടിയില്‍ ഒറ്റപ്പെടുന്നു. ചെര്‍പ്പുളശ്ശേരിയില്‍ നടക്കാനിരുന്ന ഏരിയാ കമ്മിറ്റി യോഗം ഒരു വിഭാഗം ബഹിഷ്‌കരിക്കുമെന്ന റിപ്പോര്‍ട്ടിനെ തുടര്‍ന്ന് വീണ്ടും മാറ്റിവെച്ചു. കൂടാതെ എംഎല്‍എയുടെ  ഔദ്യോഗിക പരിപാടികളും റദ്ദാക്കി.  ഇതിനിടെ ശശിക്കെതിരെ ശക്തമായ നടപടിയുണ്ടാവുമെന്ന് മന്ത്രി എ.കെ. ബാലന്‍ പാലക്കാട്ട് പ്രതികരിച്ചു. നേരത്തെ പരാതിയെ കുറിച്ച് അറിയില്ലെന്ന് പറഞ്ഞ മന്ത്രി അന്വേഷണ കമ്മിഷനില്‍ അംഗമായതോടെയാണ് നിലപാട് തിരുത്തിയത്. ശശിക്കെതിരായ പരാതിയെക്കുറിച്ച് അന്വേഷിക്കാന്‍ സിപിഎം നിയോഗിച്ച രണ്ടംഗ സംഘത്തിലെ ഒരാളാണ് എ.കെ. ബാലന്‍.  സംസ്ഥാന സെക്രട്ടറിയേറ്റും പ്രകോപനപരമായ പ്രസ്താവനകള്‍ അവസാനിപ്പിക്കാന്‍ ശശിക്ക് നിര്‍ദേശം നല്‍കിയിരുന്നു.  കഴിഞ്ഞദിവസങ്ങളില്‍ നടക്കേണ്ടിയിരുന്ന ഏരിയാ കമ്മിറ്റി യോഗം രണ്ടാം തവണയാണ് മാറ്റിവച്ചത്. 19 അംഗ കമ്മിറ്റിയില്‍ ആദ്യദിവസം  മൂന്നുപേര്‍ മാത്രമാണ് പങ്കെടുത്തത്.  പ്രതിപക്ഷ പാര്‍ട്ടികളുടെ പ്രതിഷേധം കണക്കിലെടുത്ത്  ഇന്നലെ എംഎല്‍എ പങ്കെടുക്കാനിരുന്ന ഒൗദ്യോഗിക പരിപാടികളെല്ലാം മാറ്റിവെച്ചു. അനാരോഗ്യം കാരണമാണെന്നാണ് വിശദീകരണം. ആരോപണങ്ങള്‍ നേരിടാനുള്ള കമ്മ്യൂണിസ്റ്റ് ആരോഗ്യം തനിക്കുണ്ടെന്ന് ശശി കഴിഞ്ഞ ദിവസം പറഞ്ഞിരുന്നു. ഇന്നലെ ചെര്‍പ്പുളശ്ശേരി സ്‌കൂള്‍ ബസ് ഉദ്ഘാടന ചടങ്ങില്‍ പങ്കെടുക്കുമെന്ന് അറിയിച്ചിരുന്നുവെങ്കിലും രാവിലെയോടെ വരില്ലെന്ന് എംഎല്‍എ ഓഫീസില്‍ നിന്നും അറിയിച്ചു. സ്വന്തം ലേഖിക

//www.janmabhumidaily.com/news833827

മലമ്പുഴ ഡാം തുറന്നു: മിക്ക ഡാമുകളും നിറഞ്ഞു

…;പക്ഷെ സംസ്ഥാനത്ത് മൊത്തത്തില്‍ ഇന്നലെ മഴ കുറഞ്ഞിട്ടുണ്ട്.  അണക്കെട്ടുകളിലേക്കുള്ള നീരൊഴുക്കും ചെറിയ തോതില്‍ കുറഞ്ഞിട്ടുണ്ട്.  സ്വന്തം ലേഖിക

//www.janmabhumidaily.com/news829494

നീതികാത്ത് സമ്പത്തിന്റെ കുടുംബവും

… കസ്റ്റഡിയിലിരിക്കെ ക്രൂരമായ മര്‍ദനമേറ്റ് മലമ്പുഴയിലെ ഗസ്റ്റ് ഹൗസില്‍ കൊല്ലപ്പെടുകയായിരുന്നു. സ്വന്തം ലേഖിക  …

//www.janmabhumidaily.com/news828519

ജിഎസ്ടിക്ക് ഒരുവയസ്; ആളും അരങ്ങും ഒഴിഞ്ഞ് വാളയാര്‍ ചെക്‌പോസ്റ്റ്

പാലക്കാട്: ചരക്കുസേവന നികുതി നിയമം നിലവില്‍ വന്നതോടെ സംസ്ഥാനത്ത് വാണിജ്യ നികുതി ചെക്‌പോസ്റ്റുകള്‍ ഇല്ലാതായിട്ട് ഒരുവര്‍ഷം.  ഇതര സംസ്ഥാനങ്ങളില്‍നിന്നും കടന്നുവരുന്ന വാളയാറില്‍ ഇന്ന് ഗതാഗതക്കുരുക്കും, നികുതി വെട്ടിപ്പും ആളും ആരവവുമില്ല.   2017 ജൂലൈ ഒന്നിന് ചരക്കുസേവന നികുതി ബില്‍ നിലവില്‍ വന്നതോടെയാണ് വാളയാറിലെ മണിക്കൂറുകള്‍ നീണ്ട ഗതാഗതക്കുരുക്കിന് ശാപമോക്ഷം ലഭിച്ചത്. പലപ്പോഴും ദിവസങ്ങളോളം വാഹനങ്ങള്‍ക്ക് വരികിടക്കേണ്ട അവസ്ഥയുണ്ടായിരുന്നു. ദിവസേന മൂവായിരത്തോളം ചരക്കുവാഹനങ്ങള്‍ ഇന്ന് വാളയാര്‍ വഴി സുഗമമായി കടന്നുപോകുന്നു.  ജിഎസ്ടി വകുപ്പിന്റെയും, എക്‌സൈസിന്റേയും, മോട്ടോര്‍ വെഹിക്കിള്‍ വകുപ്പിന്റെയും പരിശോധനകളാണ് നിലവില്‍ വാളയാറിലുള്ളത്. ലോഡ് വാഹനങ്ങളുടെ ഇ-വേ ബില്‍ ജിഎസ്ടി അധികൃതരും തുടര്‍ന്ന് മോട്ടോര്‍വെഹിക്കിള്‍ വകുപ്പും എക്‌സൈസും പരിശോധിച്ചാണ് വാഹനങ്ങളെ കടത്തിവിടുന്നത്. എന്തെങ്കിലും സംശയം തോന്നിയാല്‍ മാത്രമാണ്  പരിശോധന. ജില്ലയിലാകെ 15 ജിഎസ്ടി സ്‌ക്വാഡുകളാണ് പ്രവര്‍ത്തിക്കുന്നത്. ജിഎസ്ടി വന്നതോടെ കള്ളക്കടത്തുകളും കുറഞ്ഞു. ആറുമാസത്തിനിടെ 150 ഓളം കേസുകളാണ് റിപ്പോര്‍ട്ട് ചെയ്തിട്ടുള്ളത്. ചെക്‌പോസ്റ്റുണ്ടായിരുന്നപ്പോള്‍ ഒരുമാസം അഞ്ഞൂറോളം കേസുകള്‍ രജിസ്റ്റര്‍ ചെയ്ത സ്ഥാനത്താണിത്.  ചരക്കുസേവന നികുതി നിയമം വന്നതോടെ ചെക്ക്‌പോസ്റ്റുകളിലെ അഴിമതിക്കും വിരാമമായി. വര്‍ഷങ്ങളായി വാളയാര്‍ ചെക്‌പോസ്റ്റിലേക്ക് ഡെപ്യൂട്ടേഷന്‍ ലഭിക്കുന്നതിന് മത്സരമായിരുന്നു. ഗോവിന്ദാപുരം, ഗോപാലപുരം, മീനാക്ഷിപുരം, നടുപ്പുണി ചെക്‌പോസറ്റുകളിലേക്കും സമാനരീതിയിലായിരുന്നു മത്സരം. ചെക്ക്‌പോസ്റ്റ് കെട്ടിടങ്ങള്‍ നാശത്തിന്റെ വക്കിലാണ്. ഈ കെട്ടിടങ്ങള്‍ വെറുതെ കിടക്കുമ്പോള്‍ എക്‌സൈസ് വകുപ്പ് ഉദ്യോഗസ്ഥര്‍ ഇപ്പോഴും വെയിലും മഴയും കൊണ്ടാണ് പരിശോധന. വനം, മോട്ടോര്‍ വാഹനം, മൃഗസംരക്ഷണം എന്നീ ചെക്ക്‌പോസ്റ്റുകളുടെ പ്രവര്‍ത്തനവും ഒറ്റമുറിക്കുള്ളിലാണ്. സ്വന്തം ലേഖിക

//www.janmabhumidaily.com/news825480

ചേച്ചിയുടെ അനുഗ്രഹം വാങ്ങാന്‍ അനുജന്‍ ഓടിയെത്തി

അനുഗ്രഹം വാങ്ങനാണ് ���േച്ചിയുടെ  അരികിലെത്തിയത് എന്നുപറഞ്ഞ് അദ്ദേഹം യാത്രപറഞ്ഞിറങ്ങി. സ്വന്തം ലേഖിക  …

//www.janmabhumidaily.com/news824209

കാണാതായത് സുപ്രധാന ഫയലുകൾ

പാലക്കാട്: മലബാര്‍ സിമന്റ്‌സിലെ  അഴിമതിക്കേസില്‍ ഹൈക്കോടതിയില്‍ നിന്ന് കാണാതായത് സുപ്രധാന ഫയലുകള്‍. മുന്‍ കമ്പനി സെക്രട്ടറി ശശീന്ദ്രന്റേയും മക്കളുടെയും ദുരൂഹ മരണം, കമ്പനിയുമായി ബന്ധപ്പെട്ട അഴിമതിയാരോപണങ്ങള്‍ എന്നിവ സിബിഐ അന്വേഷിക്കണമെന്നാവശ്യപ്പെട്ട് ശശീന്ദ്രന്റെ പിതാവ് വേലായുധന്‍ സമര്‍പ്പിച്ച ഹര്‍ജിയാണ് ഏറ്റവും പ്രധാനം. ഹര്‍ജി പരിഗണിക്കുന്നത് കാത്തിരുന്നിട്ടും നടക്കാതായതോടെ വീണ്ടും കോടതിയെ സമീപിച്ചപ്പോഴാണ് ഫയലുകള്‍ നഷ്ടപ്പെട്ട വിവരം പുറത്തുവന്നത്. ശശീന്ദ്രന്‍ കേസും മലബാര്‍ സിമന്റ്സ് അഴിമതിക്കേസുകളും കോടതിയിലും അട്ടിമറിക്കാന്‍ ഉന്നതതല നീക്കമുണ്ടെന്ന ശശീന്ദ്രന്റെ കുടുംബത്തിന്റെ ആരോപണം ശരിവയ്ക്കുന്നതാണ് ഫയല്‍ കാണാതായ സംഭവം. 2011 ജനുവരി 24നാണ് ശശീന്ദ്രനും മക്കളും ദുരൂഹ സാഹചര്യത്തില്‍ മരിച്ചത്. തുടര്‍ന്ന്  അച്ഛന്‍ വേലായുധന്‍, സഹോദരന്‍ ഡോ.വി.സനല്‍കുമാര്‍, ആക്ഷന്‍ കൗണ്‍സില്‍ ചെയര്‍മാനും വിവരാവകാശ പ്രവര്‍ത്തകനുമായ ജോയ് കൈതാരത്ത് എന്നിവര്‍ സമര്‍പ്പിച്ച മൂന്നു കേസുകളാണ് ഹൈക്കോടതിയുടെ പരിഗണനയില്‍.  മരണങ്ങള്‍ ആത്മഹത്യയായി കണക്കാക്കുന്ന സിബിഐ കുറ്റപത്രം തള്ളുക,  കൊലപാതകങ്ങള്‍  അന്വേഷിക്കുന്നതിനൊപ്പം  വിവാദ വ്യവസായി വി.എം.രാധാകൃഷ്ണന്‌മേല്‍ സുപ്രീം കോടതി വിധി പ്രകാരം കൊലക്കുറ്റം ചുമത്തുക,ശശീന്ദ്രന്‍,മക്കള്‍, സതീന്ദ്രകുമാര്‍ ഉള്‍പ്പെടെയുള്ളവരുടെ ദുരൂഹ മരണത്തിനിടയാക്കിയ മലബാര്‍ സിമന്റ്സ് അഴിമതികള്‍  അന്വേഷിക്കുക എന്നീ ആവശ്യങ്ങള്‍ ഉന്നയിച്ചുള്ള കേസുകളാണ് ഹൈക്കോടതിയില്‍  ഫയല്‍ ചെയ്തിരുന്നത്. ഊഴംകാത്തു നിന്നിട്ടും ഹര്‍ജികള്‍ പരിഗണനയ്ക്കെത്താത്തതിനെ തുടര്‍ന്ന് കേസ് അടിയന്തരമായി കേള്‍ക്കണമെന്ന ആവശ്യവുമായി സഹോദരന്‍ സനല്‍കുമാര്‍  ഹൈക്കോടതി രജിസ്ട്രാര്‍ക്കും, ചീഫ് ജസ്റ്റീസിനും പരാതി നല്‍കിയിരുന്നു .കേസ് ഫയലുകള്‍ കാണാനില്ലെന്ന സൂചന ലഭിച്ചതോടെ അവയുടെ സര്‍ട്ടിഫൈഡ് കോപ്പി ആവശ്യപ്പെട്ട് 2018 ജനുവരിയില്‍ സനല്‍കുമാര്‍ ഹൈക്കോടതിയില്‍ കേസ്ഫയല്‍ ചെയ്തിരുന്നു. തുടര്‍ന്ന് ചില ഫയലുകള്‍ പുന: സൃഷ്ടിക്കാന്‍ കഴിഞ്ഞുവെങ്കിലും അവയും കാണാതായിട്ടുണ്ട്. സ്വന്തം ലേഖിക

//www.janmabhumidaily.com/news823988

വിശക്കുന്നുണ്ടെങ്കില്‍ പോകാം കോട്ടയം വെസ്റ്റ് പോലീസ് സ്‌റ്റേഷനിലേക്ക്...

  സ്വന്തം ലേഖിക കോട്ടയം: കരിമീന്‍ പൊള്ളിച്ചത് കൂട്ടി 75 രൂപയ്ക്ക് രുചികരമായ ഒരു ഊണ് വേണാ? എങ്കില്‍ നേരെ വിട്ടോ കോടിമതയിലെ പോലീസ് സ്&zwnj…

//www.janmabhumidaily.com/news811853

വൃദ്ധദമ്പതികളുടെ കൊല: പ്രതി അറസ്റ്റില്‍ മരുമകള്‍ കസ്റ്റഡിയില്‍

സ്വന്തം ലേഖിക പാലക്കാട്: തോലന്നൂര്‍ പുളയ്ക്കല്‍ പറമ്പില്‍ വൃദ്ധ ദമ്പതികള്‍ കൊല്ലപ്പെട്ട സംഭവത്തില്‍ വടക്കന്‍ പറവൂര്‍ സ്വദേശി സദാനന്ദ (53)നെ അറസ്റ്റ് ചെയ്തു. കൊലപാതകത്തില്‍…

//www.janmabhumidaily.com/news704496

ശ്രീചിത്രാഹോമില്‍ നൂറുമേനി വിജയം

സ്വന്തം ലേഖിക തിരുവനന്തപുരം: മറ്റ് സ്‌കൂളുകളിലെ വിദ്യാര്‍ത്ഥികള്‍ നേടുന്ന വിജയത്തെക്കാള്‍ ഇരട്ടി മധുരമാണ് ശ്രീചിത്രാ ഹോമിലെ വിദ്യാര്‍ത്ഥികള്‍ നേടിയ നൂറുമേറി വിജയം. എസ്എസ്എല്‍സി…

//www.janmabhumidaily.com/news616961

സത്യപ്രസ്താവനയുടെ മറവില്‍ നിര്‍ധനരെ വലച്ച്‌സര്‍ക്കാര്‍ സാമ്പത്തിക നേട്ടമുണ്ടാക്കുന്നു

സ്വന്തം ലേഖിക പൊന്‍കുന്നം: അനര്‍ഹരായവര്‍ പെന്‍ഷന്‍ വാങ്ങുന്നത്് തടയാന്‍ സത്യപ്രസ്താവന നല്‍കണമെന്ന നിബന്ധനയുടെ മറവില്‍ പെന്‍ഷന്‍ യഥാസമയം നല്‍കാതെ ഗുണഭോക്താക്കളെ സര്‍ക്കാര്‍…

//www.janmabhumidaily.com/news611153

വഴിവിളക്കുകള്‍ കണ്ണടച്ചിട്ടും നടപടി സ്വീകരിക്കാതെ പത്തനംതിട്ട നഗരസഭ

സ്വന്തം ലേഖിക പത്തനംതിട്ട : നഗരത്തിലെ വഴിവിളക്കുകള്‍ കണ്ണടച്ചിട്ടും നടപടി സ്വീകരിക്കാതെ നഗരസഭ. ശബരിമല തീര്‍ത്ഥാടന കാലം കഴിയാറായിട്ടും നിരുത്തരവാദമായാണ് നഗരസഭാ പ്രവര്‍ത്തനങ്ങള്‍ തുടരുന്നത്. വൈദ്യുതി ഉപഭോഗം കുറയ്ക്കുന്നതിന് ആദ്യഘട്ടമെന്നോണം മെര്‍ക്കുറി ഹാലജന്‍ ലൈറ്റുകളും ട്യൂബ് ലൈറ്റുകളും ഒഴിവാക്കി എല്‍ഇഡി ബള്‍ബുകള്‍ നഗരത്തില്‍ പലയിടത്തും സ്ഥാപിച്ചു. എന്നാല്‍ പിന്നീട് സോളാര്‍ ലൈറ്റുകളും സ്ഥാപിക്കുകയുണ്ടായി. പരിമിതമായ പ്രദേശത്തേക്ക് മാത്രമെ വെളിച്ചം ലഭിക്കൂ എന്ന പരാതി സോളാര്‍ ലൈറ്റുകള്‍ സ്ഥാപിച്ചപ്പോള്‍ തന്നെ ഉയര്‍ന്നിരുന്നു. പിന്നീട് തുടര്‍ച്ചയായി വിലയേറിയ ബാറ്ററികള്‍ മോഷണം പോകാന്‍ തുടങ്ങിയതോടെ ഭൂരിപക്ഷം വഴിവിളക്കുകളും കണ്ണടച്ചു. ലൈറ്റുകളുടെ അറ്റകുറ്റപ്പണികള്‍ യഥാസമയം നടത്താന്��� സംവിധാനമില്ലാതായതോടെ നഗരം ഇരുട്ടിലായി. വഴിവിളക്കുകള്‍ പ്രകാശിപ്പിക്കുന്നതിന് 28 ലക്ഷം രൂപയുടെ സാധനങ്ങളാണ് കഴിഞ്ഞ ഒരു വര്‍ഷത്തിനിടയില്‍ സര്‍ക്കാര്‍ ഏജന്‍സിയില്‍ നിന്നും നഗരസഭ വാങ്ങിയിട്ടുള്ളത്. നഗരസഭയുടെ 32 വാര്‍ഡുകളിലേക്കും തുല്യമായി സാധനങ്ങള്‍ വിതരണം ചെയ്തുവെന്നാണ് ചെയര്‍പേഴ്‌സണ്‍ പറയുന്നത്. എന്നാല്‍ നഗരത്തിലെ അന്ധകാരം വിട്ടൊഴിഞ്ഞിട്ടില്ല. അതാതു വാര്‍ഡുകളിലെ കൗണ്‍സിലറുമാര്‍ ഈ വിഷയത്തില്‍ ശ്രദ്ധപതിപ്പിക്കാത്തതാണ് അവസ്ഥ തുടരാന്‍ കാരണമെന്ന് നഗരവാസികള്‍ പറയുന്നു. നഗരം ഇരുട്ടിലായതോടെ തെരുവുനായ്ക്കളുടെ സൈര്വവിഹാരം ജനജീവിതം ദുരിതത്തിലാക്കി. പ്രഭാത സഞ്ചാരത്തിനായി ഇറങ്ങുന്ന പലരും റിംഗ് റോഡുകള്‍ ഉപേക്ഷിച്ച സ്ഥിതിയാണ്. ജില്ലാ സ്‌റ്റേഡിയത്തിലെ അവസ്ഥയും മറിച്ചല്ല. ജില്ലാ സ്റ്റേഡിയത്തിലെ ലൈറ്റുകളും കണ്ണുചിമ്മിയ സാഹചര്യമാണ്. ദീര്‍ഘവീഷണമില്ലാതെ നടപ്പാക്കുന്ന ഇത്തരം പദ്ധതികളാണ് നഗരത്തിന്റെ വികസനത്തെ പിന്നോട്ടടിക്കുന്നത്. നഗരസഭ ഈ വിഷയത്തില്‍ അടിയന്തിരമായ പരിഹാരം കണ്ടെത്തണമെന്നാണ് നഗരവാസികളുടെ അവശ്യം. …

//www.janmabhumidaily.com/news535133

പുതുമകളുമായി ക്രിസ്തുമസ് വിപണികള്‍ ഒരുങ്ങി

സ്വന്തം ലേഖിക പത്തനംതിട്ട : പുതുമകളുമായി ക്രിസ്മസ്- പുതുവത്സര വിപണി ഒരുങ്ങി. നഗരത്തിലെ പ്രധാന സൂപ്പര്‍ മാര്‍ക്കറ്റുകളിലും മറ്റ് വ്യാപാര സ്ഥാപനങ്ങളിലും വസ്ത്രവിപണികളിലുമെല്ലാം…

//www.janmabhumidaily.com/news527488

പുതിയ ബസ് സ്റ്റാന്‍ഡിലേക്കുള്ള റോഡില്‍ ഗതാഗതക്കുരുക്ക് രൂക്ഷമാകുന്നു

സ്വന്തം ലേഖിക പത്തനംതിട്ട : പഴയ പ്രൈവറ്റ് ബസ് സ്റ്റാന്‍ഡില്‍ നിന്നും പുതിയ ബസ് സ്റ്റാന്‍ഡിലേക്കുള്ള റോഡില്‍ ഗതാഗതക്കുരുക്ക് രൂക്ഷമാകുന്നു. സ്വകാര്യ ബസുകളും ഫാസ്റ്റ് പാസഞ്ചര്‍ ഒഴികെയുള്ള കെഎസ്ആര്‍ടിസി ബസുകളും പഴയബസ് സ്റ്റാന്‍ഡുവഴിയാണ് കടന്ന് പോകുന്നത്. സെന്‍ട്രല്‍ ജംഗ്ഷനിലെ ഗതാഗത തിരക്ക് പരിഹരിക്കുന്നതിനാണ് കെഎസ്ആര്‍ടിസി ബസുകള്‍ കൂടി ഇതുവഴി കടത്തിവിടാന്‍ തുടങ്ങിയത്. ഇടുങ്ങിയ റോഡുകളാണിവ, ഒരു സമയം ഒരു വാഹനത്തിന് മാത്രം കടന്നു പോകുന്നതിനുള്ള പരിമിതമായ വീതിമാത്രമാണ് റോഡിനുള്ളത്. കാല്‍നടയാത്രക്കാര്‍ക്ക് നടന്നു പോകുന്നതിനിനുള്ള സൗകര്യം ഈ മേഖലയില്‍ ഇല്ല. ഉള്ള സ്ഥലമാകട്ടെ വഴിയോരക്കച്ചവടക്കാരും കയ്യടക്കിയിരിക്കുന്നു. അതിനാല്‍ വാഹനങ്ങള്‍ക്കിടയിലൂടെ ഞെരുങ്ങിയാണ് കാല്‍നടയാത്രക്കാര്‍ സഞ്ചരിക്കുന്നത്. ഇത് പലപ്പോഴും അപകടങ്ങള്‍ക്ക് ഇടയാക്കാറുണ്ട്. ചില വ്യാപാര സ്ഥാപനങ്ങളാകട്ടെ കടയുടെ പരസ്യ ബോര്‍ഡുകള്‍ റോഡിലേക്ക് ഇറക്കി വയ്ക്കുന്നത് അപകടങ്ങള്‍ക്ക് ആക്കം കൂട്ടുന്നു. ഈ റോഡില്‍ മൊത്ത വ്യാപാര സ്ഥാപനങ്ങള്‍ ധാരാളമായി പ്രവര്‍ത്തിക്കുന്നുണ്ട്. ഇവിടേയ്ക്ക് ചരക്കിറക്കാന്‍ വരുന്ന വലിയ വാഹനങ്ങളും വന്‍ ഗതാഗതാ കുരുക്കിന് കാരണമാകാറുണ്ട്. വാഹനങ്ങള്‍ കടന്നു പോകാന്‍ സാധിക്കാത്ത വിധം കുരുക്ക് രൂക്ഷമാകുമ്പോള്‍ ഡ്രൈവര്‍മാര്‍ തമ്മില്‍ പലപ്പോഴും വാക്കേറ്റവും നടത്താറുണ്ട്. സ്വകാര്യ ബസ് സ്റ്റാന്‍ഡിനുള്ളിലെ പാര്‍ക്കിംഗ് സംവിധാനം ഉപയോഗപ്പെടുത്താതെ സ്വകാര്യ വാഹനങ്ങളില്‍ എത്തുന്ന ആളുകള്‍ വ്യാപാര സ്ഥാപനങ്ങളുടെ മുന്‍പില്‍ തന്നെയാണ് പാര്‍ക്ക് ചെയ്യുന്നത്. ഇതും ഗത���ഗതക്കുരുക്ക് വര്‍ദ്ധിപ്പിക്കുവാന്‍ കാരണമാണ്. ഈ പ്രദേശത്തെ ഗതാഗതക്കുരുക്ക് പരിഹരിക്കാനാവശ്യമായ നോ-പാര്‍്ക്കിംഗ് ബോര്‍ഡുകളോ പോലീസ് സംവിധാനങ്ങളോ ഇല്ല. ഈ റൂട്ടിലൂടെ വണ്‍വേ സംവിധാനം നടപ്പിലാക്കി തലങ്ങും വിലങ്ങുമുള്ള വാഹനം ഓട്ടം നിയന്ത്രിച്ചാല്‍ മാത്രമെ ഈ ഗതാഗതക്കുരുക്കിന് ശാശ്വത പരിഹാരം കണ്ടെത്താന്‍ കഴിയുമെന്നാണ് ചൂണ്ടികാണിക്കപ്പെടുന്നത്. …

//www.janmabhumidaily.com/news519472

പത്തനംതിട്ട ഉപജില്ലയുടെ കുതിപ്പ് തുടരുന്നു

സ്വന്തം ലേഖിക പത്തനംതിട്ട: റവന്യൂ ജില്ലാ സ്‌കൂള്‍ കായിക മേളയില്‍ പത്തനംതിട്ട ഉപജില്ലയുടെ കുതിപ്പ് തുടരുന്നു. തുടര്‍ച്ചയായി ഡബിള്‍ ഹാട്രിക് വിജയം നേടിയ പുല്ലാട് ഉപജില്ലയെ…

//www.janmabhumidaily.com/news507592

യുഎസില്‍ മലയാളി കുടുംബം മരിച്ചതായി സ്ഥിരീകരിച്ചു

ചേര്‍ത്തല: യുഎസിലെ ന്യൂജഴ്‌സിയിലുണ്ടായ അഗ്‌നിബാധയില്‍ മലയാളി കുടുംബം മരിച്ചതായി സ്ഥിരീകരിച്ചു. പട്ടണക്കാട് പുതിയകാവ് സ്‌കൂളിന് സമീപം ഗീതാജ്ഞലി വീട്ടില്‍ ദാമോദരന്‍ പിള്ളയുടെ മകന്‍ ഡോ. വിനോദ് ബി. ദാമോദരന്‍(44), ഭാര്യ ശ്രീജ(38), മകള്‍ ആര്‍ദ്ര(13) എന്നിവരുടെ മൃതദേഹമാണ് ബന്ധു തിരിച്ചറിഞ്ഞത്. ഇവര്‍ താമസിച്ചിരുന്ന ന്യൂജഴ്‌സി ഹില്‍സ് ബരോവ് അപ്പാര്‍ട്ട്‌മെന്റില്‍ കഴിഞ്ഞ തിങ്കളാഴ്ചയാണ് അഗ്‌നിബാധയുണ്ടായത്. ദിവസവും നാട്ടിലേക്ക് ഫോണ്‍ ചെയ്തിരുന്ന ഇവര്‍ തിങ്കള്‍ മുതല്‍ വിളിക്കാതിരിക്കുകയും അങ്ങോട്ട് വിളിച്ചിട്ട് കിട്ടാതിരിക്കുകയും ചെയ്തതോടെ നാട്ടിലുള്ള മാതാപിതാക്കളും ബന്ധുക്കളും നടത്തിയ അന്വേഷണത്തിലാണ് ഇവര്‍ താമസിച്ചിരുന്ന ഫ്‌ളാറ്റില്‍ അഗ്‌നിബാധയുണ്ടായതായി അറിഞ്ഞത്. തുടര്‍ന്നാണ് ഇന്നലെ വിനോദിന്റെ പിതൃസഹോദരിയുടെ മകള്‍ മിനി ഇവിടെയെത്തി മൂവരുടെയും മൃതദേഹം തിരിച്ചറിഞ്ഞത്. സംസ്‌കാരം അവിടെ തന്നെ നടത്തുമെന്ന് ബന്ധുക്കള്‍ പറഞ്ഞു. ന്യൂജഴ്‌സി റട്ട്‌ഗേഴ്‌സ് സര്‍വകലാശാലയിലെ റിസര്‍ച്ച് സയന്റിസ്റ്റാണ് ഡോ.വിനോദ്. ഭാര്യ ശ്രീജ തിരുവല്ല കൊടിയാടി സ്വദേശിനിയാണ്. മകള്‍ ആര്‍ദ്ര അവിടെ എട്ടാം ക്ലാസ് വിദ്യാര്‍ഥിനിയാണ്. സ്വന്തം ലേഖിക

//www.janmabhumidaily.com/news500495

ജരാനര ബാധിച്ച് നഗരസഭയുടെ നഗര സൗന്ദര്യവല്‍ക്കരണ പദ്ധതി

സ്വന്തം ലേഖിക പത്തനംതിട്ട: ജരാനര ബാധിച്ച് നഗരസഭയുടെ നഗര സൗന്ദര്യവല്‍ക്കരണ പദ്ധതി. നഗരസഭ കൊട്ടിഘോഷിച്ച് നടത്തിയ എന്റെ നഗരം വ്യത്തിയുള്ള നഗരം പദ്ധതിയാണ് നഗരസഭയുടെ മറ്റ് പല…

//www.janmabhumidaily.com/news497930