യൂണിവേഴ്‌സിറ്റി കോളേജിനു പിന്നാലെ തിരുവനന്തപുരം ആര്‍ട്‌സ് കോളേജിലും വിദ്യാര്‍ത്ഥികളെ എസ്എഫ്‌ഐ ഗുണ്ടകള്‍ പീഡിപ്പിക്കുന്നതായി ആരോപണം

Tuesday 16 July 2019 10:51 am IST

തിരുവനന്തപുരം: യൂണിവേഴ്‌സിറ്റി കോളേജില്‍ വിദ്യാര്‍ത്ഥിക്കുനേരെയുണ്ടായ വധ ശ്രമത്തിനു പിന്നാലെ തിരുവനന്തപുരം ആര്‍ട്‌സ് കോളേജിലും എസ്എഫ്‌ഐ ഗുണ്ടകള്‍ വിദ്യാര്‍ത്ഥികള്‍ പീഡിപ്പിക്കുന്നതായി റിപ്പോര്‍ട്ട്. വനിതാമതിലിന്റെ പ്രചാരണ പരിപാടികളില്‍ നിന്ന് വിട്ടുനിന്ന പെണ്‍കുട്ടികളെ യൂണിയന്‍ നേതാക്കള്‍ ഭീഷണിപ്പെടുത്തിയെന്നാണ് പുതിയ ആരോപണം. യൂണിറ്റ് മുറിയില്‍ വെച്ച് എസ്്എഫ്‌ഐ നേതാക്കള്‍ ഇവരെ ചോദ്യം ചെയ്യുന്നതിന്റെ ശബ്ദരേഖയും ഇതോടൊപ്പം പുറത്തുവിട്ടിട്ടുണ്ട്. 

യൂണിവേഴ്‌സിറ്റി കോളേജിലേതിന് സമാനമാണ് എസ്എഫ്‌ഐയുടെ മറ്റൊരു കോട്ടയായ ആര്‍ട്‌സ് കോളേജിലെയും സ്ഥിതിയെന്ന് ശബ്ദരേഖ വ്യക്തമാക്കുന്നുണ്ട്. യൂണിവേഴ്‌സിറ്റി കോളേജിലെ എസ്എഫ്‌ഐയുടെ യൂണിറ്റ് മുറി ഇടിമുറിയാണെങ്കില്‍ ഇവിടെ ചോദ്യം ചെയ്യുന്നതിനുള്ള കേന്ദ്രമാക്കിയാണ് മാറ്റിയെടുത്തിരിക്കുന്നത്. 

യൂണിയന്‍ ചെയര്‍മാന്‍ സമീറിന്റെ നേതൃത്വത്തിലാണ് ഭീഷണിയെന്നാണ് പെണ്‍കുട്ടികള്‍ പറയുന്നത്. അധ്യാപകരോട് പരാതിപ്പെട്ടിട്ടും കാര്യമില്ലെന്നാണ് അവര്‍ പറയുന്നത്. 

വനിതാമതില്‍ പ്രചാരണത്തില്‍ പങ്കെടുക്കാതിരുന്നതിന് പെണ്‍കുട്ടികളോട് വിശദീകരണം ചോദിക്കുന്നതും അവര്‍ പറയുന്ന മറുപടിയില്‍ തൃപ്തിപ്പെടാതെ ആണ്‍കുട്ടികള്‍ പ്രതികരിക്കുന്നതുമാണ് ശബ്ദരേഖയിലുള്ളത്. വേറൊരു പരിപാടിയിലും പങ്കെടുക്കരുതെന്നും പഠിക്കാനാണ് വരുന്നതെങ്കില്‍ പഠിച്ചിട്ട് പോകുക മാത്രമേ ചെയ്യാവൂ എന്നും പെണ്‍കുട്ടികളോട് കര്‍ശനമായി നിര്‍ദ്ദേശിക്കുന്നുണ്ട്. മുന്‍കാലങ്ങളായിരുന്നെങ്കില്‍ കമ്മിറ്റിയിലുള്ള അംഗങ്ങള്‍ ഇത്തരം പരിപാടികളില്‍ പങ്കെടുക്കാതിരുന്നാല്‍ കോളേജില്‍ നിന്ന് തന്നെ പുറത്താക്കിയുരുന്നേനെ എന്നും എസ്എഫ്‌ഐ അംഗങ്ങള്‍ ഭീഷണിപ്പെടുത്തുന്നുണ്ട്. 

അതേസമയം ചോദ്യം ചെയ്യലിന് വിധേയരായ വിദ്യാര്‍ത്ഥിനികള്‍ ഇപ്പോഴും കോളേജില്‍ പഠിക്കുന്നവരായതിനാല്‍ നേരിട്ട് മാധ്യമങ്ങളില്‍ സംസാരിക്കാന്‍ പേടിയാണെന്നും അവര്‍ അറിയിച്ചു. നിന്നും പിജി കോഴ്‌സ് പൂര്‍ത്തിയാക്കിയ അനുപമ എന്ന വിദ്യാര്‍ത്ഥിനി  ഏഷ്യാനെറ്റ് ന്യൂസിനോട് പറഞ്ഞത്. 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.