സിഎജി റിപ്പോർട്ട് അവഗണിക്കാൻ സിപി‌എം ധാരണ, റിപ്പോർട്ട് രാഷ്ട്രീയ പ്രേരിതം, എല്ലാത്തിനും മുഖ്യമന്ത്രി മറുപടി പറയും

Friday 14 February 2020 2:32 pm IST

തിരുവനന്തപുരം: സംസ്ഥാനത്ത് വന്‍സുരക്ഷാ വീഴ്ച ചോദ്യം ചെയ്തുള്ളതായിരുന്നു കംപ്‌ട്രോളര്‍ ആന്‍ഡ് ഓഡിറ്റര്‍ ജനറല്‍ (സിഎജി) റിപ്പോര്‍ട്ടിനെ അവഗണിക്കാൻ സിപി‌എം ധാരണ. സി‌എ‌ജിയുടെ റിപ്പോർട്ട് രാഷ്ട്രീയപ്രേരിതമാണെന്നാണ് സിപി‌എം സംസ്ഥാന സെക്രട്ടേറിയറ്റിന്റെ വിലയിരുത്തൽ. യുഡി‌എഫ് കാലത്തെ അഴിമതിയെക്കുറിച്ചാണ് റിപ്പോർട്ടിൽ പരാമർശമുള്ളതെന്നും ഇതിന് ഇടതുമുന്നണി മറുപടി പറയേണ്ടെന്നും യോഗത്തിൽ തീരുമാനമായിട്ടുണ്ട്. 

കേരള പോലീസിന്റെ ആയുധശേഖരത്തിൽ നിന്നും വെടിക്കോപ്പുകളും ആയുധങ്ങളും കാണാതായെന്ന ഗുരുതരമായ കണ്ടെത്തലാണ് നിയമസഭയുടെ മേശപ്പുറത്ത് വച്ച സി‌എ‌ജി ജനറൽ റിപ്പോർട്ടിലുള്ളത്. ഈ റിപ്പോർട്ട് മുഖ്യമന്ത്രിക്കും പോലീസിനും തലവേദനയായ സാഹചര്യത്തിലാണ് സിപി‌എം സംസ്ഥാന സെക്രട്ടേറിയറ്റ് യോഗം വിഷയം ചർച്ച ചെയ്തത്. ആരോപണങ്ങൾക്കെല്ലാം മുഖ്യമന്ത്രി മറുപടി പറയും. നാളെയും മറ്റന്നാളും സിപി‌എം സംസ്ഥാന സമിതി ചേരുന്നുണ്ട്. ഇവിടെയും കൂടുതൽ ചർച്ചകൾ ഉണ്ടാകും. 

അതിനിടെ, പോലീസ് മേധാവിയെ രാജ്ഭവനിലേക്ക് വിളിച്ചു വരുത്തി വിഷയത്തില്‍ ഗവര്‍ണര്‍ വിശദീകരണം ആവശ്യപ്പെട്ടു. ഇതേത്തുടര്‍ന്ന് ഇന്നലെ വൈകിട്ട് പോലീസ് ഉപദേഷ്ടാവ് രമണ്‍ ശ്രീവാസ്തവയ്‌ക്കൊപ്പം ലോക്‌നാഥ് ബെഹ്‌റ രാജ്ഭവനില്‍ എത്തി വിശദീകരണം നല്‍കി. രാജ്യസുരക്ഷയെ പോലും ബാധിക്കുന്ന തരത്തില്‍ പോലീസിലെ റൈഫിളുകളും വെടിയുണ്ടകളും കാണാതായ സംഭവത്തെ തുടര്‍ന്നാണ് ഗവര്‍ണറുടെ ഇടപെടല്‍. 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.