ദുരിതം തുടരുന്നു; യാത്രാ മാര്‍ഗങ്ങള്‍ മുടങ്ങുന്നു

Thursday 16 August 2018 8:25 am IST
രക്ഷാമാര്‍ഗങ്ങള്‍ക്കല്ലാതെ യാത്ര ഒഴിവാക്കുക, പരമാവധി സുരക്ഷിതരാവുകയും മറ്റുള്ളവര്‍ക്ക് സഹായവും സൗകര്യവും ചെയ്യുക, ശരിയെന്ന് ഉറപ്പില്ലാത്ത കാര്യങ്ങള്‍ പ്രചരിപ്പിക്കാതിരിക്കുക എന്നിവയാണ് ഈ അപകട മുഹൂര്‍ത്തത്തില്‍ ഓരോരുത്തര്‍ക്കും ചെയ്യാവുന്നത്.

കൊച്ചി: മഴയും വെള്ളപ്പൊക്കവും തുടരുന്നു. കൊച്ചി വിമാനത്താവളം അടച്ചു. മധ്യകേരളത്തില്‍ ട്രെയിന്‍ ഗതാഗതം തടസപ്പെട്ടു. ട്രെയിനുകള്‍ ചിലത് റദ്ദാക്കി, ചിലവ വൈകിയോടുന്നു. കാലടി, പട്ടാമ്പി ഉള്‍പ്പെടെ പാലങ്ങളില്‍ റോഡുഗതാഗതം നിര്‍ത്തി.

> രക്ഷാമാര്‍ഗങ്ങള്‍ക്കല്ലാതെ യാത്ര ഒഴിവാക്കുക,

> പരമാവധി സുരക്ഷിതരാവുകയും മറ്റുള്ളവര്‍ക്ക് സഹായവും സൗകര്യവും ചെയ്യുക,

> ശരിയെന്ന് ഉറപ്പില്ലാത്ത കാര്യങ്ങള്‍ പ്രചരിപ്പിക്കാതിരിക്കുക എന്നിവയാണ് ഈ അപകട മുഹൂര്‍ത്തത്തില്‍ ഓരോരുത്തര്‍ക്കും ചെയ്യാവുന്നത്. 

* സൈന്യം സര്‍വ സന്നാഹങ്ങളുമായി കുട്ടനാട്, പത്തനംതിട്ട പ്രദേശങ്ങളില്‍ രക്ഷാ പ്രവര്‍ത്തനങ്ങളിലാണ്. കുട്ടനാട്ടില്‍ ജലനിരപ്പ് അപായകരമായ സ്ഥിതിയില്‍. പ്രദേശത്ത് മഴ കുറഞ്ഞതിനാല്‍ ജലനിരപ്പ് കൂടിയിട്ടില്ല. അപ്പര്‍ കുട്ടനാട്ടിലാണ് ഇത്തവണ വന്‍ ദുരിതങ്ങള്‍. 

* റാന്നിയിലും ചെങ്ങന്നൂരും വീടിനു മുകളിലും മറ്റും അകപ്പെട്ടു പോയവരെ രക്ഷിക്കാന്‍ ശ്രമം തുടരുന്നു.

* എറണാകുളത്ത് മഴ വിട്ടു നില്‍ക്കുന്നു. തൃശൂരില്‍  വെട്ടുക്കാട്ട് ഉരുള്‍പൊട്ടി. നാലു വീടുകള്‍ തകര്‍ന്നു. ആളപായം റിപ്പോര്‍ട്ട് ചെയ്തിട്ടില്ല.

* പാലക്കാട് ജില്ലയില്‍ മഴ തുടരുകയാണ്. തുടര്‍ച്ചയായ 28 മണിക്കൂര്‍ കഴിഞ്ഞു. ഭാരതപ്പുഴ കവിഞ്ഞൊഴുകുന്നു. തീരപ്രദേശങ്ങളില്‍ വെള്ളം കയറി. പട്ടാമ്പിയില്‍ മരുതൂരില്‍ മരം വീണ് ചെര്‍പ്പുളശ്ശേരി റോഡില്‍ ഗതാഗതം തടസപ്പെട്ടു. അട്ടപ്പാടിയില്‍ മഴ തുടരുകയാണ്. ചുരം റോഡില്‍ വന്‍തോതില്‍ മണ്ണിടിഞ്ഞു. ആളപായമില്ല. 

* ഡാമുകളിലെ വെള്ളം വന്ന് നിറഞ്ഞ് പെരിയാര്‍ അപകടകരമായ സ്ഥിതിയിലാണ്. എയര്‍പോര്‍ട്ട് വന്‍ ഡാമിലെപ്പോലെ നിറഞ്ഞു കവിഞ്ഞു. ആലുവ പാലത്തിന് സമീപം പെരിയാര്‍ അപകട നിലയില്‍ ഒഴുകുന്നു. എറണാകുളം- ചാലക്കുടി പാതയില്‍ ട്രെയിന്‍ സര്‍വീസ് നിര്‍ത്തി. ദീര്‍ഘദൂര ട്രെയിനുകള്‍ പാലക്കാട് വരെ യാത്ര ചുരുക്കി. കൊച്ചി മെട്രോ സര്‍വീസ് നിര്‍ത്തി.

* തൃശൂര്‍ നഗരം മുങ്ങി. അശ്വനി, ശക്തകന്‍ ബസ്‌സ്റ്റാന്‍ഡ് എന്നിവിടങ്ങളില്‍നിന്ന് നഗരത്തിലെത്താന്‍ കഴിയാതായി. കൊടുങ്ങല്ലൂര്‍, ചാലക്കുടി, പുതുക്കാട് പ്രദേശങ്ങള്‍ വെള്ളത്തിലായി. അങ്കമാലിയില്‍ പല പ്രദേശങ്ങളും മുങ്ങി.

 മുല്ലപ്പെരിയാര്‍ ഡാമിന്റെ 13 ഷട്ടറുകളും തുറന്നു.

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.