മാതൃകയായി ഭാരതീയര്‍; പാകിസ്ഥാനികള്‍ ആക്രമിച്ച ഇന്ത്യന്‍ ഹൈക്കമ്മീഷന്‍ ഓഫീസും പരിസരവും വൃത്തിയാക്കി പ്രവാസി ഇന്ത്യക്കാര്‍

Sunday 8 September 2019 4:45 pm IST

ലണ്ടന്‍: പാകിസ്ഥാനികള്‍ ആക്രമിച്ച ലണ്ടനിലെ ഇന്ത്യന്‍ ഹൈ കമ്മീഷന്‍ ഓഫീസ് വൃത്തിയാക്കി ഇന്ത്യക്കാര്‍. കാശ്മീരിന്റെ പ്രത്യേക പദവി റദ്ദാക്കിയ വിഷയത്തെ തുടര്‍ന്ന. ശുചീകരണ ഉപകരണങ്ങളും ഇന്ത്യന്‍ പതാകയുമായാണ് സംഘം ഓഫീസ് വൃത്തിയാകാനായി എത്തിയത്. കാശ്മീരിന്റെ പ്രത്യേക പദവി റദ്ദാക്കിയത്തിനെ തുടര്‍ന്ന് പാക് ദേശീയ പതാകയുമായി എത്തിയ ഒരു കൂട്ടം ചീമുട്ടകളും പച്ചക്കറി മാലിന്യവും പുക ബോംബുകളും ഹൈ കമ്മീഷന്‍ ഓഫീസിലേക്ക് വലിച്ചെറിഞ്ഞിരുന്നു.

ഒരാഴ്ച മുന്‍പാണ് ആയിരത്തോളം വരുന്ന പാകിസ്ഥാനികള്‍ കാശ്മീരിന്റെ പ്രത്യേക പദവി എടുത്ത് കളയാനുള്ള തീരുമാനത്തില്‍ പ്രതിഷേധിച്ച് ഇന്ത്യന്‍ ഹൈ കമ്മീഷന്‍ ഓഫീസിന് മുന്നില്‍ തടിച്ച് കൂടുകയും അക്രമം അഴിച്ച് വിടുകയും ചെയ്തത്. ആക്രമണത്തിനിടെ ഓഫീസ് കെട്ടിടത്തിലെ നിരവധി ജനാലകളും തകര്‍ന്നു. പാകിസ്ഥാനികളുടെ ഈ അക്രമം അനുവദിച്ചുകൊടുത്തതിന് ലണ്ടന്‍ മേയര്‍ സാദിഖ് ഖാനെതിരെ ഏറെ വിമര്‍ശനം ഉയര്‍ന്നു.

പാകിസ്ഥാനികളുടെ ആക്രമണത്തെ ശക്തമായി എത്തിര്‍ത്തുകൊണ്ട് ഒത്തൊരുമയുടെ സന്ദേശം പടര്‍ത്തി രാജ്യത്തിനൊപ്പം നില്‍ക്കുകയായിരുന്നു ലണ്ടനിലെ ഭാരതീയര്‍. ഇന്ത്യന്‍ വിദേശകാര്യ മന്ത്രാലയ വക്താവ് രവീഷ് കുമാറും ഈ ആക്രമണത്തെ ശക്തമായി അപലപിച്ചിരുന്നു. ആക്രമണം ഒരു തരത്തിലും ന്യായീകരിക്കാന്‍ ആകില്ല. യു.കെ സര്‍ക്കാര്‍ ഇതിനെതിരെ ശക്തമായ നടപടി എടുക്കണമെന്നും രവീഷ് കുമാര്‍ ആവശ്യപ്പെട്ടിരുന്നു.

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.