മോദിയെ 'രാജീവ് മോഡലിൽ ' വധിക്കാൻ മാവോയിസ്റ്റുകൾ; അറസ്റ്റിലായ 'ദളിത് ' പ്രവർത്തകരിൽ നിന്ന് തെളിവ്

Friday 8 June 2018 8:42 am IST

 
പൂനെ: പ്രധാന മന്ത്രി നരേന്ദ്ര മോദിയെ, രാജീവ് ഗാന്ധിയെ വധിച്ച മാതൃകയിൽ വകവരുത്താൻ മാവോയിസ്റ്റുകളുടെ പദ്ധതി പോലീസ് കണ്ടെത്തി. മഹാരാഷ്ട്രയിലെ കോറേ ഗാവ് ഭീമയിൽ ദളിത് പ്രവർത്തകരെന്ന വ്യാജത്തിൽ എത്തിയ മാവോയിസ്റ്റുകളിൽ നിന്ന് സംഘടനയുടെ കേന്ദ്ര കമ്മിറ്റി പുറപ്പെടുവിച്ച രഹസ്യ ഇമെയിൽക്കത്തും പിടിച്ചു. ''മോദി അധികാരത്തിൽ വന്നശേഷം 15 സംസ്ഥാനങ്ങളിൽ ബിജെപി ഭരണമായി. ഇത് തുടർന്നാൽ മാവോയിസ്റ്റ് പ്രവർത്തനം തടയപ്പെടും. രാജീവ് ഗാന്ധിയെ വക വരുത്തിയ മാതൃക സ്വീകരിക്കാവുന്നതാണ്. മോദിയുടെ റോഡ് ഷോകൾ അവസരമാക്കുക. '' ഇതാണ് കത്തിലെ ഉള്ളടക്കം .
പൂനെ കോടതിയിൽ ജില്ലാ ഗവൺമെന്റ് പ്ലീഡർ ഉജ്വല പവാർ പോലീസിന്റെ കണ്ടെത്തൽ വിവരിച്ചു. പിടിയിലായ അഞ്ചുപേരിൽ നിന്നു കിട്ടിയ ലാപ്ടോപ്പിൽ നിന്ന് ഇ മെയിലിൽ കിട്ടിയ കത്ത് പോലീസ് കണ്ടെത്തുകയായിരുന്നു. മോദിയുടെ പേര് പരാമർശിക്കാതെയാണ് പ്ലീഡർ കോടതിയിൽ കാര്യങ്ങൾ വിശദീകരിച്ചത്. നിരോധിതമായ സി പി ഐ (മാവോയിസ്റ്റ് ) കേന്ദ്ര കമ്മിറ്റിയുടെ കത്താണിത്.
കഴിഞ്ഞ ദിവസം സംസ്ഥാനത്ത് വിവിധ ഭാഗങ്ങളിൽ നിന്നാണ് വിവരങ്ങളുടെ അടിസ്ഥാനത്തിൽ 5 പേർ അറസ്റ്റിലായത്. ഇവരിലൊരാൾ ഒരു മുൻ പ്രധാനമന്ത്രിയുടെ സ്റ്റാഫായിരുന്നയാളാണ്.
 
എൽഗാർ പരിഷത്ത് ഓർഗനൈസർ സുധീർ ധാവ് ലെ, മുംബൈ കേന്ദ്രമായ റിപ്പബ്ലിക്കൻ പാന്തേഴ്സ് ജാതി അനാച്ചി ചൽവാൽ (ആർ പി ), ദൽഹി കേന്ദ്രമായ റിലീസ് ഓഫ് പൊളിറ്റിക്കൽ പ്രി സണേഴ്സ് സംഘടനയുടെ റോണാ വിൽസൺ, നാഗ്പൂരുകാരൻ അഭിഭാഷകൻ സുരേന്ദ്ര ഗാഡ് ലിങ് (അസോസിയേഷൻ ഓഫ് പീപ്പിൾസ് ലോയേഴ്സ് ), നാഗ്പൂർ യൂണിവേഴ്സിറ്റി പ്രൊഫസർ ഷോമാ സെൻ, മുൻ പ്രധാനമന്ത്രിയുടെ ഗ്രാമവികസന പരിപാടികളുടെ മേൽനോട്ടക്കാരൻ മഹേഷ് റൗത്ത് എന്നിവരാണ് അറസ്റ്റിലായത്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.