പാക്കിസ്ഥാന്‍ പതാക തലകീഴാക്കി കാണിച്ച് മിനിട്ടുകള്‍ക്കുള്ളില്‍ ഇന്ത്യയുടെ പതാകയും പ്രദര്‍ശിപ്പിച്ചു; ബുര്‍ജ് ഖലീഫക്കെതിരെ പാക്കിസ്ഥാനികളുടെ പ്രതിഷേധം

Sunday 18 August 2019 6:44 pm IST

ദുബായ്: ലോകത്തിലെ ഏറ്റവും വലിയ കെട്ടിടമായ ബുര്‍ജ് ഖലീഫയില്‍ പാക്കിസ്ഥാന്‍ സ്വാതന്ത്ര്യ ദിനാഘോത്തിന്റെ ഭാഗമായി പതാക പ്രദര്‍ശിപ്പിച്ചത് തലകീഴായി. കഴിഞ്ഞ ദിവസമാണ് ഈ സംഭവം നടക്കുന്നത്. ഇന്ത്യയുടെയും പാകിസ്ഥാന്റെയും സ്വാതന്ത്ര്യ ദിനാഘോഷങ്ങളുമായി ബന്ധപ്പെട്ട് ഇരു രാജ്യങ്ങളുടെയും ദേശീയ പതാകകള്‍ ബുര്‍ജ് ഖലീഫയില്‍ പ്രദര്‍ശിപ്പിച്ചിരുന്നു. 

ഇന്ത്യന്‍ പതാക ശരിയായി തന്നെ സജ്ജീകരികരിച്ചപ്പോള്‍ തങ്ങളുടെ പതാക തലതിരിഞ്ഞുപോയെന്നുള്ള പരാതിയുമായി  പാകിസ്ഥാനികള്‍ രംഗത്തെത്തിയിട്ടുണ്ട്. വെള്ളിയാഴ്ച രാത്രി 8.42നാണ്  പാകിസ്ഥാന്‍  പതാക ബുര്‍ജ് ഖലീഫയില്‍ തെളിയിച്ചത്. തുടര്‍ന്ന്  8.44ന് ഇന്ത്യന്‍ പതാകയും പ്രദര്‍ശിപ്പിച്ചു. ഓണ്‍ലൈനിലുള്‍പ്പെടെ ആയിരക്കണക്കിന് പേരാണ് ഇത് കാണാണുണ്ടായിരുന്നത്. എന്നാല്‍ തങ്ങളുടെ പതാകയിലെ ചന്ദ്രക്കല മുകളിലേക്കായിരുന്നു തിരിഞ്ഞിരിക്കേണ്ടതെന്ന് ചൂണ്ടിക്കാട്ടിയാണ് ദുബായിലെ പാകിസ്ഥാന്‍ അസോസിയേഷന്‍ ബുര്‍ജ് ഖലീഫയുടെ നിര്‍മാതാക്കളായ ഇമാര്‍ ഗ്രൂപ്പിന് പരാതി നല്‍കിയിട്ടുണ്ട്. 

2017ല്‍ പാകിസ്ഥാന്‍ പതാക ബുര്‍ജ് ഖലീഫയില്‍ പ്രദര്‍ശിപ്പിച്ചപ്പോള്‍ വെള്ളനിറം താഴെയും ചന്ദ്രക്കല മുകളിലേക്ക് തിരിഞ്ഞിരിക്കുന്ന തരത്തിലുമായിരുന്നു. എന്നാല്‍ ഇപ്പോള്‍ പ്രദര്‍ശിപ്പിച്ചത് പോലെ തന്നെയായിരുന്നു ഈ വര്‍ഷം മാര്‍ച്ചിലും കഴിഞ്ഞ വര്‍ഷവും പതാക പ്രദര്‍ശിപ്പിച്ചതെന്നും റിപ്പോര്‍ട്ടുകളുണ്ട്. എന്നാല്‍  പതാക തലതിരിഞ്ഞുപോയതില്‍ പാകിസ്ഥാനികള്‍ ദുഃഖിതരാണെന്ന് പാകിസ്ഥാന്‍ അസോസിയേഷന്റെ പരാതിയില്‍ ആരോപിക്കുന്നു. പതാക തലതിരിഞ്ഞ സംഭവത്തില്‍ ബുര്‍ജ് ഖലീഫ അധികൃതര്‍ പ്രതികരിക്കാന്‍ തയാറായിട്ടില്ല. 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.