കോട്ടയം: അസംഘടിതരായ ഹിന്ദുസമൂഹം പാര്ശ്വവല്ക്കരിക്കപ്പെടുകയാണെന്ന് ആര്എസ്എസ് പ്രാന്തീയ സഹകാര്യവാഹ് അഡ്വ. എന്.ശങ്കര്റാം പറഞ്ഞു.
ഹിന്ദുഐക്യവേദി ജില്ലാ പ്രതിനിധി സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഹിന്ദു സമൂഹം ഇന്ന് വൈവിദ്ധ്യങ്ങളായ പ്രതിസന്ധികള് നേരിട്ടുകൊണ്ടിരിക്കുകയാണ്.
സംഘടിത വോട്ടുബാങ്കിന്റെ ബലത്തില് കണക്കു പറഞ്ഞ് അവകാശങ്ങളും ആനുകൂല്യങ്ങളും നേടിയെടുക്കുമ്പോള് അസംഘടിതരായ ഹിന്ദുസമൂഹം പാര്ശ്വവല്ക്കരിക്കപ്പെടുകയാണ്.
ഹിന്ദുസമൂഹം സംഘടിക്കേണ്ടതിന്റെ അനിവാര്യത ബോധ്യപ്പെടുത്തുന്നതിനൊപ്പം നഗ്നമായ വിവേചനത്തിനെതിരെ ശക്തമായ പ്രതിരോധനിര പടുത്തുയര്ത്താന് സമൂഹത്തെ സജ്ജമാക്കുന്ന തിന് ഹിന്ദുഐക്യവേദി മുന്നിട്ടിറങ്ങണം.
സംഘടനാ പ്രവര്ത്തന ത്തിന് നേതൃത്വം കൊടുക്കുന്നവര് സമര്പ്പണഭാവം ആര്ജ്ജിക്കേണ്ടത് പ്രവര്ത്തന വിജയത്തിന് അനിവാര്യമാണെന്നും അദ്ദേഹം പറഞ്ഞു.
ഏപ്രില് നാല്, അഞ്ച്, ആറ് തീയതികളില് തിരുവനന്തപുരത്ത് നടക്കുന്ന സംസ്ഥാന സമ്മേളനം കേരള ത്തില് വഴിത്തിരിവു സൃഷ്ടിക്കുമെന്നും ഹിന്ദുഐക്യവേദി സംസ്ഥാന ജനറല് സെക്രട്ടറി ഇ.എസ് ബിജു പറഞ്ഞു.
സമ്മേളനത്തില് സംസ്ഥാന ഭാരവാഹികളായ കെ.എം രവീന്ദ്രനാഥ്, പി.കെ ഭാസ്കരന്, പി.ആര് ശിവരാജന്, ആര്.എസ് അജിത്കുമാര്, വി. ശുശികുമാര് എന്നിവര് പങ്കെടുത്തു. തമ്പി പട്ടശ്ശേരി, അധ്യക്ഷതവഹിച്ച യോഗത്തില് എം.വി ഉണ്ണികൃഷ്ണന്, ശ്രീകാന്ത് തിരുവഞ്ചൂര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: