തലയോലപ്പറമ്പ്: കഞ്ഞിക്കുഴി സിപി.എം ഏരിയ കമ്മറ്റിയിലെ സംഭവ വികാസങ്ങള് റിപ്പോര്ട്ട് ചെയ്യുവാന് ചെന്ന മാധ്യമപ്രവര്ത്തകരെ മര്ദ്ദിച്ചവര്ക്കെതിരെ വധശ്രമത്തിന് കേസെടുക്കണമെന്ന് കേരള പത്രപ്രവര്ത്തക അസോസ്സിയേഷന് സംസ്ഥാന കമ്മറ്റി ആവശ്യപ്പെട്ടു. മാധ്യമപ്രവര്ത്തകരുടെ അവകാശങ്ങളെ തടസപ്പെടുത്തുന്ന രീതിയില് ചില കേന്ദ്രങ്ങള് നടത്തുന്ന ഗുണ്ടായിസത്തെ സര്ക്കാര് ഗൗരവമായി കാണണമെന്നും കുറ്റക്കാരെ അറസ്റ്റ് ചെയ്യണമെന്നും കേരള പത്രപ്രവര്ത്തക അസോസ്സിയേഷന് സംസ്ഥാന പ്രസിഡന്റ് ജി ശങ്കര്, സെക്രട്ടറി കെ.ആര് മധു എന്നിവര് അവശ്യപ്പെട്ടു. കഞ്ഞിക്കുഴിയില് മാധ്യമ പ്രവര്ത്തകര്ക്കെതിരെ നടന്ന അക്രമണം സാക്ഷരകേരളത്തിന് അപമാനകരമാണെന്നും, മാധ്യമപ്രവര്ത്തകര്ക്കെതിരെ തുടരെയുണ്ടാകുന്ന ആക്രമണങ്ങള്ക്ക് നേതൃത്വം കൊടുക്കുന്നവര്ക്കെതിരെ ശക്തമായ നിയമനടപടികള് എടുക്കണമെന്ന് കേരള പത്രപ്രവര്ത്തക അസോസ്സിയേഷന് വൈക്കം താലൂക്ക് കമ്മറ്റി ആവശ്യപ്പെട്ടു. പ്രതികള് ഏത് പാര്ട്ടികാരെന്ന് നോക്കാതെ അറസ്റ്റ് ചെയ്യണമെന്ന് താലൂക്ക് പ്രസിഡന്റ് എസ്. സന്തോഷ്, സെക്രട്ടറി ബെയ് ലോണ് എബ്രാഹം എന്നിവര് അവശ്യപ്പെട്ടു.
പ്രതികരിക്കാൻ ഇവിടെ എഴുതുക: