മുണ്ടക്കയം: എസ്എന്ഡിപി യൂത്ത് മൂവ്മെന്റ് പ്രവര്ത്തകനായ കോരൂത്തോട് രാജേഷ് തുളികാട്ടിലിനെ വധിക്കാന് ശ്രമിച്ച പ്രതിയെ ഉടന് അറസ്റ്റ് ചെയ്യണമെന്ന് ബിജെപി വാര്ത്താസമ്മേളനത്തില് ആവശ്യപ്പെട്ടു. കഴിഞ്ഞ 22ന് നടന്ന സംഭവത്തില് ഇനിയും പ്രതി സുനില് തണ്ണിപ്പാറയെ അറസ്റ്റ് ചെയ്യാന് പോലീസിന് കഴിയാത്തത് നിരുത്തരവാദപരമാണ്. പ്രദേശത്ത് കോണ്ഗ്രസിന്റെ ഗുണ്ടയായി അറിയപ്പെടുന്ന സുനില് നിരവധി കേസിലെ പ്രതിയാണ്.
രാജേഷിനു നേര്ക്ക് നടന്ന അക്രമത്തില് വിവിധ പ്രസ്ഥാനങ്ങള് പ്രതിഷേധിച്ചെങ്കിലും കോണ്ഗ്രസ് പരസ്യമായി സുനിലിനെ സംരക്ഷിക്കുകയാണ്. ഇത് നാടിന്റെ സമാധാന അന്തരീക്ഷം തകര്ക്കുമെന്നും ബിജെപി നേതാക്കള് മുന്നറിയിപ്പ് നല്കി. സംഭവത്തില് പോലീസിന്റെ നിലപാട് പ്രശ്നത്തെ കൂടുതല് വഷളാക്കുന്ന തരത്തിലാണ്. എത്രയും വേഗം പ്രതിയെ പിടികൂടിയില്ലെങ്കില് ജനങ്ങളെ അണിനിരത്തി ശക്തമായ പ്രക്ഷോഭവുമായി മുന്നോട്ടു വരുമെന്നും നേതാക്കള് അറിയിച്ചു. പൂഞ്ഞാര് നിയോജകമണ്ഡലം പ്രസിഡന്റ് വി.സി.അജികുമാര്, കോരൂത്തോട് പഞ്ചായത്ത് കമ്മറ്റി പ്രസിഡന്റ് എ.പി.സന്തോഷ്കുമാര് എന്നിവര് വാര്ത്താ സമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: