തോട്ടയ്ക്കാട്: ടാറിംഗ് ഇളകി കാല്നടയാത്രപോലും ദുസ്സഹമായ തോട്ടയ്ക്കാട് ഊളയ്ക്കന്പടി പാറയ്ക്കാമല റോഡ് നാട്ടുകാര് നന്നാക്കി. വര്ഷങ്ങളായി തകര്ന്നു കിടക്കുന്ന റോഡിലൂടെ ഓട്ടോറിയും ടാക്സികാറും വരാതായതോടെ രോഗികളെ ആശുപത്രിയില് എത്തിക്കാന് പോലും വിഷമിച്ചതോടെയാണ് നാട്ടുകാര് റോഡ് നന്നാക്കാന് രംഗത്തിറങ്ങിയത്. പുതുപ്പള്ളി പഞ്ചായത്ത് അധികൃതരരോട് പരാതി പറഞ്ഞു മടുത്തിരുന്നു. വോട്ട് ചോദിക്കാന് വരുമ്പോള് മാത്രമാണ് രാഷ്ട്രീയകാര്ക്ക് താല്പര്യമെന്ന് നാട്ടുകാര് പറയുന്നു. ഏറെ തകര്ന്ന ഭാഗങ്ങളാണ് നാട്ടുകാര് നന്നാക്കിയത്.
ഇതോടെ അത്യാവശ്യത്തിന് വാഹനങ്ങള്ക്കും കാല്നടയാത്രക്കാര്ക്കും ഈ വഴിയിലൂടെ പോകാവുന്ന അവസ്ഥയായിട്ടുണ്ട്. എന്നാല് മണ്ണിട്ട് നികത്തിക കുഴികളില് നിന്ന് മഴക്കാലമാകുന്നതോടെ മണ്ണൊലിച്ചു പോകാനുള്ള സാധ്യത ഏറെയാണ്. ഇതോടെ വഴിയുടെ അവസ്ഥ പഴയപടിയാവുമോ എന്നാണ് നാട്ടുകാരുടെ ഭീതി. തൊട്ടടുത്ത മണ്ഡലമായ കോട്ടയത്ത് ചെറിയ ഇടവഴികള് വരെ ടാറിട്ട് സഞ്ചാരയോഗ്യമാക്കിയപ്പോഴാണ് തങ്ങളെ ജനപ്രതിനിധികള് അവഗണിക്കുകയാണെന്ന് നാട്ടുകാര് കുറ്റപ്പെടുത്തുന്നു.
പ്രതികരിക്കാൻ ഇവിടെ എഴുതുക: