കോട്ടയം: ബിജെപി കോട്ടയം ജില്ലാ പ്രസിഡന്റായി ഏറ്റുമാനൂര് രാധാകൃഷ്ണനെ സംസ്ഥാന പ്രസിഡന്റ് വി.മുരളീധരന് പ്രഖ്യാപിച്ചു. നാലാം തവണയാണ് അദ്ദേഹം ജില്ലാ പ്രസിഡന്റാകുന്നത്.
1967ല് രാഷ്ട്രീയ സ്വയംസേവക സംഘത്തിലൂടെ പൊതുപ്രവര്ത്തനം ആരംഭിച്ചു. കോട്ടയം സിഎംഎസ് കോളേജില് നിന്ന് ബിരുദം പൂര്ത്തിയാക്കി അക്കാലത്ത് എബിവിപിയുടെ സജീവപ്രവര്ത്തകന്, 1971ല് ആര്എസ്എസ് പ്രചാകരനായി വണ്ടന്മേട് കേന്ദ്രമാക്കി പ്രവര്ത്തനം, തുടര്ന്ന് ഭാരതീയ ജനസംഘത്തിന്റെ പൂര്ണ്ണ സമയ പ്രവര്ത്തകനായി. സംസ്ഥാന ഓഫീസ് സെക്രട്ടറിയായി. 1975ല് അടിയന്തിരാവസ്ഥയ്ക്കെതിരെയുള്ള സമരത്തില് സജീവസാന്നിദ്ധ്യം. ഇക്കാലത്ത് പിതാവ് മരിച്ചു. വീട്ടില് പൊലീസ് വലയം സൃഷ്ടിച്ചതിനാല് പിതാവിന്റെ അന്ത്യകര്മ്മങ്ങളില് പങ്കെടുക്കാന് കഴിയാതെ തിരികെ പോയി.
1977ല് ജനതാപാര്ട്ടി രൂപീകരിച്ചപ്പോള് യുവജനയുടെ സംസ്ഥാന പ്രസിഡന്റായി. പിന്നീട് ഭാരതീയ ജനതാ പാര്ട്ടിയുടെ രൂപീകരണത്തോടെ യുവമോര്ച്ച സംസ്ഥാന പ്രസിഡന്റ്, അഖിലേന്ത്യാ വൈസ് പ്രസിഡന്റ്, ബിജെപി സംസ്ഥാന സെക്രട്ടറി, ജനറല് സെക്രട്ടറി തുടങ്ങിയ ചുമതലകള് വഹിച്ചിരുന്നു. റബര് ബോര്ഡില് 6 വര്ഷം അംഗമായും രണ്ടു തവണ വൈസ് ചെയര്മാനായും പ്രവര്ത്തിച്ചിരുന്നു. ഇദ്ദേഹം ജന്മഭൂമി ദിനപത്രത്തിന്റെ ഡയറക്ടറാണ്.
വാലയില് കുടുംബാംഗമാണ്. ഭാര്യ: സുമംഗലകുമാരി. മക്കള്: കപില്കൃഷ്ണന്, ഗാര്ഗി കൃഷ്ണന്.
പ്രതികരിക്കാൻ ഇവിടെ എഴുതുക: